MOTOR 12 KHAT IN RALHRANG NIH AN INN AN KULH DIH, KUM UPA AN TLAIH

Ralhrang kawlralkap thiltuah hi khuaruahhar a si ko. Sualnak ngeilo hringtu apa cu a fapa ai awh ah an tlaih. Yangon ramtthen Hlegu myone ah ralhrang kawlralkap hna nih hruaitu pakhat cu tlaih dingin an inn ah an vakal hnawh asi nain a mah a um lo caah hringtu apa kum upa a si cangmi cu a fapa aiawh ah an tlaih tiah thanhnak an tuah.

Ralhrang kawlralkap nih tlaih ding an timi hi Aung Khant a si i, tuan lio ah khan tlaih dingin an kal hnawh lengmang nain an tlai kho ballo. Tutan ah an vakal hnawh tthan i, an tlai kho fawn lo. Cutikah hringtu apa kum upa asi cangmi cu an tlaih. Tutan ah tlaih ding in an kawlmi pa hi zeiruangah dah tleih dingin an kawl timi a ruang theih asi lo.

Asinain tthenkhat nih an timi cu Hlegu ah leirawitu minung pathum thah an si i, cu hnu cun nifatin ti awk in ralhrang kawlralkap hna nih tlaih dingin mi an kawl hna tiah an chim. Hi konghe pehtlaiin pawngkam a ummi pakhat nih a chimmi cu a hlan ahcun mipi thilri i hruk in tlaih an rak timh cang nain an tlaih dingmi hi a rak um lo.

Tutan ahcun ralhrang kawlralkap hna cu motor hleihnih in an rak ra i, an inn an kulh ding. Asinain amah cu a um lo. Cutikah amah aiawh ah tiin hringtu apa kum upa asi cangmi cu an tlaih. Ralhrang kawlralkap hna nih Hlegu sang hmunkip ah uniform hruk loin mi an chiah hna i, mi tlaih ding an kawl peng tiah a chim. Hihi a ruangbik cu Dalan thah asi i, cu ruangah minung pahra hrawng lunghrinh in an tlaih hna tiah a chim.

Myanmar: Mass arrests of journalists covering protests - IFJ

Thawngpang dang: Tuluk nih Taiwan atuk ahcun US kan bawmh lai tiah Japan nih thanhnak an tuah. Hi konghe pehtlaiin Deputy prime minister Taro Aso nih a timi cu Taiwan hi US le Tuluk karlak ah buainak hrampi a si. Tuluk nih Taiwan a tuk si ahcun a vun changtu ah Japanese city of Okinawa a si khawh ruangah Tuluk dohnak ah Japan nih US a bawmh lai tiah thanhnak atuah.

Tuluk nih Taiwan akah bak asi ahcun Okinawa hi a vungchang ding cu asi timi a fiang ko. Japan nih nun peng kan duh ve ko asi ahcun US hi kan bawmh lai tiah Liberal DEMOCRATIC PARTY LAWMAKER nih a langhter. Hi konghe pehtlaiin Tuluk ramdang vuanci lei in chimnak nawlngeitu Zhao Lijian nih Regular News Conference ah a chimmi cu a tanglei bantukin a si.

Japan Deputy minister Taro Aso nih hin a biachim aa thlah dah ngaingai. Ramkheel lei ah Tuluk le Japan pehtlaihnak a hrawh khawh ngaingai. Hohmanh nih Tuluk nih a ram pakhat ah chiah a timhnak ah Tuluk tthawnnak le a duhning in kar a hlan khawhning hi i theihter hlah seh. China sovereignty hi zeibantuk lam paoh in kan kilven lai tiah a chim.

Taiwan buainak hi chawnh biaknak in a tlamtlin kan zumh tiah Chief Cabinet SECRETARY Katsunobu Kato nih a chim ve. A liamcia kum 1972 ah Japan nih Taiwan hi an rak dirpi cang. Cun Japan nih hin South SEA siseh an Tilkulh hna cu Tuluk sin ah pek hrimhrim a tim lo. Taiwan buainak hi alinsa ngaingai. Tuluk nih lak a timhnak hi a sau cang. Asinain Taiwan cu US zong nih biatak tein a dirpi caah Tuluk nih tutiang atuk lonak hi a si.

Be the first to comment

Leave a Reply

Your email address will not be published.


*