MINTHANG PYAY TI OO A PA A NUNNAK A LIAM, A FARNU NIH APA KONG A CHIMMI

Ralhrang kawlralkap cozah dohkalh ruangah tlaih a tongmi Kawlram minthang Pyay Ti Oo cu Insein thonginn chungah caan a hman cuahmah lio ah hringtu a pa Dr. Tin Maung Oo cu covid zawtnak in a nunnak aliamtak. A pa thihnak konghe pehtlaiin Pyay Ti Oo a farnu Ngwe Ti Oo nih a chimmi cu, ka tuahpiak kholo tiah i chirnak um lo dingin ka si khawhchung in ka pa ka buaipi i ka tuahpiak.

Ka duhthimnak a si lo caah ka duh ning in thil a kal kho lo ee, lungnuam tein i din ko kun law tiah cabia alanghter. Pyay Ti Oo le a nupi Eaindra Kyaw Zin cu ralhrang kawlralkap hna nih nawlngeihnak an lak mi an dohkalh i biatak tein an cawlcangh ruangah February ni 17 in tlaih dingin cathanh an chuah. A hramthok ahcun an zam. Asinain an fale hmangin ralhrang nih hrocernak an tuah hna ruangah an mah te in an i pe.

Atu hi thlali renglo Yangon Insein thonginn chungah an um cang, zeitik ah dah an chuah hna lai timi zong theih a si rih lo. Culawng siloin thonginn chungah an umtuning an dirhmun a that le that lo zong zeihmanh theih an si lo. Nai ah ralhrang kawlralkap hna nih minthang tthenkhat ngaihthiamnak cathanh an chuahmi zongah an nupa in an i tel lo tiah ti asi. Atu bantukin thong a um lioah apa nih a thihtak hi a si.

Cabia dang relchih: Myanmar Home-Guard Chief General Min Aung Hlaing. Caretaker Cozah Lem. Myanmar Ramchung le ASEAN Politics. February 1,2021 in August 1,2021 thlaruknak Myanmar rampi Ralkap nih ram Nawlneihnak (Aanaa ting) an fir hnu in General MinAung Hliang hruaimi SAC nih cun, Myanmar Rampi cu 2008 Phunghrampi ah a um lomi Prime Ministerial hruaimi Caretaker or Interim Cozah thar cu SAC tangah an dirh than.

Nihchuak le Phuahchawm tuk asi mi cu, amah MinAung Hliang, SACouncil Chairman cu Prime Minister sinak a pek tha’n hoi. Hi bantuk phunglam hi Vawleicung khawika hmanhah a um bel lomi asi.1958 ah General Newin nih Prime Minister Unu nawlnak in Caretaker Cozah arak lak bel cang, Sina’in Prime Minister sinak title kha a bunh loh. Federal Democracy a duh tak tak asi ah cun, Interim Caretaker Government tak tak Ralkap silomi Ram duhdawt tak takmi Mifim, Mithiam ( Ex-Judges, Lawyers, Civil Leaders) pawl he a dinh lai i, Rampi Thimnak thar a tuah than hrim hrim ding asi.

Gen. MinAungHliang SAC nih a timh bikmi cu Vawleicung mithmuhah Mitdawiviah(မျက်လှည့်) hmangin Caretaker(ယာယီ) Cozah lawng kan si i, General Election thar kan tuah tha’n lai i, Mipi sinah Federal Democracy kan pek tha’n lai ti le, NLD Party hrawh i, amah tanhmi Party Cozah nak serter i, amah kha Next President sinak lak kha a timhmi cu asi ko. Aana an ting ka ah Kum- khat lawng kan uk lai anti nain a tu ahcun Ram Phunghram Article 421(b) bangin Thla 6 danin Vawihnih zamh( Extension) khawh asi i, cu pin Thla 6 dang cungah Thimnak(Election)kan tuah lai i August 1,2023 ah Mipi sinah Democracy Cozah kan pek than lai an ti hoi.

Cucaah zumh awktlak Pakhat hmanh a um lo i, 2022 chung hrim hrimah General Election an tuah than lo asi ah cun,2008 Phunghram ningin Myanmar Constitutional Court ah Khin khawh an si lai. States le Regions kip zongah State Chairman sinah min cu thlen riangmangin Chief Minister le Ministers tiah anmah te’in an i bunh dih. Hi hi State Assembly/Parliament a um lo ah cun mahtein i pek khawh asi bel lo. 2008 Phung hrampi le Vawleicung Politics kalning an thei lo hrim hrim tinak asi.

Atu i Chin State ah CM thar le Ministers anmah tein an i pekmi hna cu; 1.Pu.Ngun San Aung(CM i/c GAD/General etc) 2.Hang Cin Zam ( Finance/Economic etc) 3.Nay Lin ( Social Welfare etc) 4.Soe Lwin Moe ( Road & Transport etc), 5.Kyaw Nyein (Mining & Electric resources etc), 6.Sein Htun Hlah ( Ethnics Affairs/ Hindu-Bhuddhis) le 7. Col. Han Win Aung( Security& Boarder Affairs) an si. Hi pinah States/Regions Uknak lei tampi kan chap rih hna lai ti’ah MinAungHliang nih a chim rih fawn.

Hmaizarh chung(3-4/8/21)ah ASEAN Foreign Ministers pawl General Meeting Jarkata ah or Online in an neih lai i, hi meeting ah hin USA Secretary of State Anthony Blinken zong a tel ve lai i, ASEAN 5-Points Consensus kha biatak te’in ceihhmai an timh i, MinAungHliang nih a duh bikmi Thailand Royal Major General hlun le Dy-Foreign Minister hlun Mr.Virasakdi Futrakul cu Myanmar Envoy tharah chiah dawh an si cang…cu asi lo’ah “Three Members Evoy’s” zong tuah kho mi asi fawn.

Tutan ASEAN Meeting hi Min Aung Hliang nih a tih tuk caah tu bantukin CARETAKER Cozah a siam chawm mi asi tiah cheukhat nih an zumh. Kan Chinmi lakah Senior Politician tak tak ah kan neihmi Pu. Cin Sian Thang ( 81) cu 31July, 2021 ah khan amah umnak Kalemyot ah Upa zawtnak in a kan thih tak. Amah hi Tonzang peng Zampi khua i Pu Sum Hang le Pi Niang Khaw Cing hna fapa asi i 1968 ah khan RASU in BA, LLB a rak dih.

Rangoon Sianghleirun Bu hruaitu asi lio ah 1961 TaungKyi Conference ah khan culio i Chin Affairs Minister Captain Mang Tung Nung he an rak kai bel.Cun, 3 March,1962 ah Tlangcungmi pawl Rangoon Conference tuanthan an i timh ca’ah General Newin nih 2 March 1962 ah Aana arak ting nak kha asi. Amah hi a thih tiang ZCD Party President rian a tlaihmi asi. Credit: MC Biklian

Be the first to comment

Leave a Reply

Your email address will not be published.


*