MINTA MINTHANG, MIN MAW KUNN BIACHIM CU LUNGTHIN AZUR KO

Kawlram minthang Minta Min Maw Kun biachim cu lung zong a fak, i ngeih zong a chia ngaingai. Alungput fiang tein a pa konghe pehtlaiin thilsining a langhter cang. Min Maw Kun nih a timi cu kei cu thlacam dah tilo cu tuah khawh mi zeihmanh ka ngei lo ee tiah a chim. Ralhrang kawlralkap hna nih ka pa an tleihmi kongah thawngthar zeihmanh ka thei lo.

Atu hi zarhkhat a si cang nain a konglam zeihmanh ka thei rih lo tiah a chim. Apeh rih tthan mi cu Ka pa nih bia aka cah bangin ka pa chuahnak dingah voikhat te hmanh ka holh bal rih lo. Tuni tiang ka pa konglam hi zeihmanh kan thei rih lo, Thlacamnak dah tilo cun zeihmanh tuah khawh mi kan ngei lo. Kan dirnak ahman in a dik timi theihnak dingah thlalang ka zoh tawn.

Thlalang zoh in kan ningzah a zah lonak dingah siseh ka fale hna mualpho in an lonak dingah a zungzal in kapa dir bantukin ka dirpeng ko lai lai tiah a chim. Min Maw Kun apa Zin Wine cu biatak tein ralkap uknak doh in a cawlcang mi a si ruangah ralhrang kawlralkap hna nih April ni 15 ah khan an tleih.

Ralhrang kawlralkap hna nih hin Min Maw Kun zong tleih dingin a umnak inn ah an kal hnawh ve. Asinain inn ah a um lo ruangah an tlai kho lo. Ralkap tuahsernak biatak tein a doh ve mi a si. Apa an tleihnak hi atu in zarhpi zarhkhat chung asi cang. Asinain a thawngpang zeihmanh an theih lonak kong tutan ah a vun langhter hi a si.

Hi konghe pehtlaiin Kawlralkap ralhrang hna nih uknak an lakmi konghe pehtlaiin Kawlram minthang minta mintami pawl hna cu tampi an tleih cang hna. Cuticun minung tampi an tleih hna i, an tleih khawh lomi hna zong tampi an um ve rih hna. Cu chungah kanmah laimi kawlram minthang tthenkhat hna zong ralhrang kawlralkap hna nih tleih dingin nawl an chuah ve hna.

Actor Zin Wine Ralkap nih an tlaih -

Thawngpand Dang: Thla Khat Fai ah KIA nih Myanmar Ralkap Sakhaan 10 Hrawng an Lak. Kachin miphun hriamtlai KIA nih thla khat fai chung ah Myanmar ralkap sakhaan 10 hrawng an lak khawh, tiah theih a si. March 25 ah KIA nih abiapi ngaimi Myanmr ralkap sakhaan Alaw Bum an rak lak i cu caan thawk cun hmun kip ah kahdohnak fak ngaiin a chuak.

Abikin, Phakanh peng, Moekaung peng, Waingmaw peng, Putao le Tanaing peng pawl KIA nih Myanmar ralkap sakhaan an doh hna.Phakanh ah cun Myanmar ralkap 30 hrawng nih KIA sin ah hriam an chiah timi thawngpang zong a thang.KIA nih an lakmi pawl hi sakhaan fa tete he fonh in cun 10 leng a si lai. Acheukhat hmun ah cun Myanmar ralkap nih sakhaan lak tthan ding in an rak doh hna.

Cun, KIA nih an lak hnu ah anmah KIA le Myanmar ralkap nih hmunkhuarnak ah hman ti loin kaltakmi sakhaan pawl zong an um,” tiah Kachin upa pakhat nih a chim. Alaw Bum tlaang sakhaan zong Myanmar ralkap nih lak tthan ding in vanlawng in an kah peng nain atu tiang an la kho thai ti lo. KIA le Myanmar ralkap karlak kahdohnak hi Kachin ramkulh chung lawng ah si loin Shanram nichaklei zong pehzul in kahdohnak a um. Credit:The Chin Journal

Be the first to comment

Leave a Reply

Your email address will not be published.


*