Mindat khuachung i inn kip ah SAC ralkap an lut i, pa paohpaoh tlaih ding in an kawl hna.

Mindat khuachung i inn kip ah SAC ralkap an lut i, pa paohpaoh tlaih ding in an kawl hna.

Zinglei sml. 9:30 hrawng in Mindat mipi le SAC ralkap pawl caan saupi an i kah hnu ah Mindat khuachung ah SAC ralkap pawl an lut cang, tiah thawng kan theih.Mindat khualuh lai ah a ummi khua pakhat i inn pawl zong SAC ralkap nih an khanghpiak hna i khuami a zaammi an um len.

Mindat khuachung i inn kip ah SAC ralkap an lut i, pa paohpaoh tlaih ding in an kawl hna. “Nihin zinglei kahdohnak ah CDF-Mindat nih lampi in SAC Ralkap pawl an kham hna nain SAC lei nih Grenade Launcher le RPG tiang hmang in an kah hna caah Lai meithal lawng aa tlaihmi CDF-Mindat pawl cu hnu ah an i thawn thluahmah i Mindat khua tiang SAC ralkap an luh khawh hi a si,” tiah khuami pakhat nih a chim.

Nihin zinglei kahdohnak ah kap hnih a thimi le hliam a pumi an um le um lo theih a si rih lo. Crd,The Chin Journal
April 27, HakhaHmanthlak: Kan hnu thla Mindat khuachung hmanthlak.SAC Ralkap a Do Cuahmahtu Mindat Mipi Chawva in Bawm hna Usih

Myanmar SAC ralkap thazaang tampi nih nihin zinglei ah Mindat an kal hnawh i Mindat peng chung khuate inn cheukhat zong khanghpiak an tong. Tlaihkhih a tongmi zong an um len. Mindat khua luh lai ah SAC ralkap tampi an phan i, khuami pawl ramlak lei ah an zaam len cang. Ramchung le ramleng ah a ummi Chinmi zapi nih Mindat khua hi kan chawva in zuan hnawh cio hna usih.

Mindat Khua Lak ding in Myanmar SAC Ralkap nih Thazaang Tampi in an Rak DohMindat khua lak ding in Myanmar SAC ralkap nih nihin zinglei ah Kalay, Gangaw le Pakukku lei in ralkap thazaang tampi an chap, tiah thawng kan theih. Mindat he meng 12 a hlatnak hmun ah a ummi Htinchawng khuate ah mipi le SAC ralkap karlak ah kahdohnak a fak ngaingai.

SAC ralkap nih bomb hmang in khuachung inn pawl an kah caah inn cheukhat zong an kaang. Nihin zinglei sml. 9:00 hrawng in kahdohnak a chuah tthan hi a si i, atu ahcun SAC ralkap pawl hi Mindat khualuh lai hrawng ah an phan i Mindat khuami tampi zong ramlak lei ah an zaam hna.

Mindat khuapi chung ah SAC ralkap nih fek tein hmunkhuar khawh ding in thazaang tampi he an doh bang in Chinland Defense Force (Mindat) zong nih Lai meithal pawl he an doh cuahmah ve hna. Atu tiang ah cun i kahdohnak ah kap hnih hliam a pumi le a thimi an um le um lo fiang in theih a si rih lo.

Be the first to comment

Leave a Reply

Your email address will not be published.


*