MIN AUNG HLAING TLEIH TTIH AH MINUNG 80 LENG AN I THUP

Pagu khuapi ngandamnak lei rianttuantu tampi an zam or an i thup cang. CDM ah aitel mi min cazin cu cozah sin ah pek asi caah CDM ah akalmi sizung rianttuantu hna cu minung tampi an i thup cang. Tutan Pagu khuapi thilcang mi konghe pehtlaiin thawngzamhnak nih an langhter ning, thilsining hna cu hitihin a si. February nikhat in ralkap nih uknak an lak hnu ah zungkai tiloin lamzawhnak an tuah dih.

Hi lamzawhnak ah cozah rianttuantu chungin hmaisuang lamkal asimi hna cu ngandamnak lei rianttuantu hna hi an si. Hi konghe pehtlaiin Pagu khuapi ah ngandamnak lei riantuantu hna zong minung tampi CDM ah an i tel hna. Cuchung ah minung 80 renglo min cazin an lak hna i, cozah sin ah an phak ter tiah mizzima thawngzamhnak nih an langhter.

Ralkap cozah sin ah min cazin aphan timi thawngpang a um ruangah ngandamnak lei rianttuantu hna cu tleih ttih ruangah an i thup cuahmah cang tiah Mizzima thawngzamhnak nih tuzanlei ah khan alanghter. Hi konghe pehtlaiin CDM ah ai tel ve mi Sibawi pakhat minlanghter aduh lomi nih a chim mi cu a tanglei bantuk in hin a si.

Pakuku Civil sizung ah ruh lei sibawi specialist pakhat Dr Kyaw Ngi Ngi Tun le Pyimyo Civil Hospital ah ruh lei sibawi thiamsang specialist Dr Kyaw Thurah hna cu Section 505 a hmangin taza an cuaimi hna kongkau ah Rampi Ruh lei sibawi vialte hna nih fakpi in an doh hna i, cathanh tiangin an chuah. Cu bantuk phun in Pagu Civil Hospital ah sibawi tthenkhat hna cu case an tuah rih hna tiah Police document tthenkhat social media ah kan hmuh tiah thawngzamhnak ah a chim.