MIN AUNG HLAING NIH KIA CA A KUAT CANG HNA, CAKUAT AH A TTIALMI

Ralhrang an lungdong cang rua, KIA sin ah raltuknak ngol rih dingin halnak an tuah hna. Ralhrang kawlralkap hna nih tlangcung hriamtlai KIA hna cu mipi zawnruahnak ngei in, pakhat le pakhat kahdohnak ngol rih ding cakuat an tial tiah ralhrang thawngzamhnak MWD nih thanhnak an tuah. Hi konghe pehtlaiin thanhnak an tuahmi cu a tanglei bantukin a si.

Kachin ramkulh Laiza i, KIA hmunpi ah ralhrang kawlralkap hna nih ca an kuat. Asinain KIA lei nih zeihmanh lehnak an tuahmi a um rih lo. Kan hnu lei zongah ralhrang kawlralkap hna nih KIA sin ah PDF pawl raltuk ningcang chim cawnpiak hna hlah uh tiah ca an rak kuat cang hna. Asinain KIA lei nih ralhrang kawlralkap hna cu raltuk a cawngmi an um lo tiah an rak ti hna.

Tutan ah ralhrang kawlralkap hna nih ca an kuatmi hna cu Kachin ralkap KIA le kawlralkap hna cu pehtlaihnak ttha angeimi kan si i, tubantuk caan ah a harh lotuk in i kahdoh peng hi mipi nih an tuartuk, Kannih ralkap nih cun daitein um kan duh. Tulio covid zawtnak thawngpang a chiat lio caan ah kahdohnak tuah lo dingin kan in sawm hna i, rak kan cohlang hram uh.

Cun NCA kongkau zong zumhngamnak ngei ulaw min zong thut ve uh tiah kan sawm duh hna tiah ca an kuat hna. Tulio caan ah KIA le ralhrang kawlralkap hna cu Kachin ramchung hmunkip ti awk ah biatak tein an i kah cuahmah lio asi. KIA le ralhrang kawlralkap i dohnak ah hin a thimi zat fiangfai tein theih asi lo. Cun KIA cu NCA min a thulomi zong an si. Tutan ah an sawmnak hna hi zeitindah an leh hna lai timi theih asi rih lo.

Min Aung Hlaing Archives - OrissaPOST

THAWNGPANG DANG:Laimi nih hla lei ah kan i bochan taktak mi kan suttungpi a pur ruangmang ee, Laimi lak ah hla phuah thiam kan i ngaihmi Pu Herh Lian nih hi vawlei nunnak in mual aa kan liamtak ee. Pu Herh Lian hi Laimi nih cun a thei lomi kan um lem lai lo. Hla lei ah minthang pakhat kan ngeih mi a si. Tutan ah hibantuk in ruahlopi in mual a vun kan liam tak tikah Laimi kan caah tuar ahar hringhran ko.

Hla phuah thiam Pu Herh Lian cu Yangon an inn ah tuzanlei suimilam paruk le minute sawmnga hrawngah a nunnak aliam. Pu Herh Lian te hi Yangon ramtthen Hlaing ah a ummi an si. Pu Herh Lian nih a nu pi le a fale pahnih a kaltaak hna. Ngaihchiatnak a tongmi chungkhar vialte nan ngaihchiatnak mitthli a nung kan Pathian nih in hnawk ko hna sehlaw. Nan ngaihchiatnak kan in hrawmpi hna.

Be the first to comment

Leave a Reply

Your email address will not be published.


*