MIN AUNG HLAING HI THAH ASI TIK AH BINLADEN BANTUK TUAH ATTHA BIK LAI

Catialtu Zasang Cinzah: US Navy Seals nih Osma Binladen an rak thah ahkhan, a ruak cu Rili ah a rannak in an rak phum. Vawlei ah Osbama Binladen thlan timi um lo ding in an rak tuah. Min Aung Hlaing zong hi thah a si ve tik ahcun a ruak cu rili ah hlawnh ve a ttha bik lai. Kawlram hrim ah Min Aung Hlaing tlan timi a um lo ding a biapi. Cubantuk ideology he a von ipeh ngaimi ah, Chin Media’s aa timi hna nan rian nganbik cu:

Min Aung Hlaing lei aa tangmi paoh media nih interview tbk biaruahnak tuah hrim hrim lo ding an si lai. Cun, CDF or PDF hna nih Dalan tiah an thahmi hna or harnak an pekmi hna or an chungkhar or naihniam tbk zong interview tuah in an iphisinnak pawl Mipi sinah chimter hrimhrim lo ding an si lai. Ralhrang lei a ttangmi pawl bia nan ruah hna i an hmuhning nan chimter hna ahcun, ralhrang dohtu thazaang an derter lai.

CDF/PDF tbk nih dalan an thahmi hna or harnak an pekmi hna chungkhar or nainiam bia nan ruah hna ahcun, an iphisinnak/ thiamco in an chimmi bia nih CDF/PDF riantuannak fakpi in a hnawrsuan lai i thazaang a derter lai. Mino nunnak a lak in a liam lai. Cucaah, tulio caan cu party le party karlak politics a si lo i, nunnak in ralhrang dohnak politics a si caah, nunnak a thapmi hna kan Mino a hnawrsuan dingmi minung paoh hrial caan an si. Tuanbia ngeilo minung ah caanter ding an si. Credit: Zasang Cinzah.

Myanmar plays ASEAN as step to global legitimacy - Asia Times

Thawngpang Dang:Min Aung Hlaing nih a chimmi, Ram mipi hna nih an theihthiam lo. Atu hi rampi nawlngeihnak kan lak asi lo. Mipi lakah vote hmanlo a um ruangah rampi nawlngeihnak kan chiah chungmi khi a si. Thimnak kan tuah hnu in cun teinak a comi party sinah nawlngeihnak kan pek hna lai. Rampi nawlngeihnak kan lak chungah cozah caah hin ralkap lawngte siloin ramchung mipi tampi tuanvo kan pek hna.

Vote hmanlo a um ti kan theih ko buin thimtlinmi party hna nih vote hmanlo zohfian ding an duh lo i, an mah nawl lawngin hlutdaw an auh, nawlngeihnak lak an timh. Cubantuk ruangah mipi lakah buainak a chuak sual lai tiah uknak kan kan tleih chungmi a si. Zeitindah vote hmanlo kan theih timi cu UEC nih ramchung mipi lak ah vote ape khomi zat nak in vote apetu mipi an tam deuh.

Vote a thla mi lakah min aa thuatmi tampi a um. Hmatpungttin angei lomi zong vote a thlami an um, Rampi nawlngeihnak kan tlaih hnu ah hibantukin mipi nih dohkalhnak an tuah ding hi cu ka ruah bak lomi a si. Ruahnak phunphun cu an ngei lai ti cu ka theih ko. Ahramthok ahcun daitein lamzawhnak an tuah i, palek zong nih an zohsawhsawh ko hna. Asinain a hnu ahcun thaazaang chuahnak a um.

Cutikah palek zong humhhimnak an tuah ve. Cubantuk thil a can ruangah thihnak tiang a chuak. Sihmanhsehlaw an langhter bantuk cun a thimi an tam lo. An thanh bantukin fiahnak an ngei maw timi zong biahalnak a um kho vemi asi. Ahnu ahcun hriamnam hmangin cawlcanghnak an tuah tikah palek zong nih an doh ve hna cu a haumi a si.

Hriamnam hmangin cozah dohkalh dingin mi a forhtu hna cu kan ngaithiam hna lai lo dantatnak kan pek hrimhrim hna ahau. Covid phunglam kalh minung tampi an um i, dantatnak pek dih ding sisehlaw an tamtuk lai. Cubantuk cu kan theihthiam rih ko hna. Internet kan phihnak a ruang cu Media ruangah asi. Biadik lo tampi an thlahmi an um ruangah rampi abuaiter chinchin, Media nih mipi buainak hram athok tiah ka hmuh.

Phungning in caan karlak nawlngeihnak lakmi cu kum khat chung lawng angah, Atlamtling lo asi zongah kum hnih pin angah lo. Kum hnih hi atambik asi i, kum hnih pin cu nawlngeihnak lak a ngah lo. Mipi dirhmun zoh in thimnak cu rianrang in tuahkhawh kan timh. Culo a zeidang thil pakhat hmanh a um lo i, a dikmi democracy tuah kan timh. Phunghrampi zong 2011 in remh kan timh cang. Hlutdaw thut hnu ah remh dingmi tampi a um.

Cu ahcun mipi duhning in hlonh ding a um le hlonh, remh ding aum le remh ding kan si. NUG cozah hi phungkalh buu an si tiah thanhnak kan tuah cang. Ahnu bik ah hriamnam an hmang, ralhrang buu thlilak ah a um menmi khi an si. Atu ah raltuk a cawngmi le raltuk aa timmi an um ko nain ramchung mipi buainak cu a chuahter ka zum lo. Note: Asautuk caah Atawifiannak deuh in langhtermi asi.

Be the first to comment

Leave a Reply

Your email address will not be published.


*