MAW KANU VIDEO HI RAK ZOHTUAH UH NLD TIMHMI TTIHNUNG TAKTAK SI CANG

Krihfa Zumhnak le Bible Kalh In NLD Nih Riantuan An I Tim. Țih An Nung Chin Lengmang Cang.Tukum Thimnak ah NLD Party nih an policy pakhat ah an khumhmi LGBT cu khuaruahhar taktak asi ko. Cu lawng siloin teinak kan hmuh i cozah kan ser khawh ahcun LGBT pawl caah Upadi in kan humhim hna lai tiah fiangpup in an phuan cang tikah tih a nungtuk cang. LGBT cu zeidah asi? NLD lawng siloin SNLD le PPP zong nih an dirpi ve.

Mah kong hi kum dang ahcun an chimrel ballomi a rak si nain tukum cu NLD nih biatak tein tuahawkah (implement) ah a aupi ve cang. Lesbian/Gay/Bisexual/ Transgender).Nu le Nu, Pa Le Pa sualtuahnak (Homosexual) le Nu le Pa sinak thlen khawhnak tinak asi. Mah LGBT hi vawlei cungah a buai ngaimi asi. Minung nuhrin covo (human right) in zoh ahcun adik ngai ko nain Biaknak, Social le Zumhnak lei in cun cohlan a har ve taktak mi asi.

Kawlram ahcun kan upadi pohmah 377 nih LGBT cu sual ah a chiah i thong kum tampi tiang thlak khawh mi ansi. Asia ram huap incun Taiwan ram khat lawng nih LGBT hi official tein a fehter rih. Vawlei cung dihlak ti awk in LGBT hi Cozah nih phungning tein an fehter awkah au-khuang a thang cemmi pakhat asi ve. Kawlram zongah LGBT Phu pawl an au khuang nak cu kum 10 leng lo asi ve cang.

Kawlram ah Nu le Nu, Pa le Pa aa duhmi hi 200000 renglo anum ve cang tiah theih asi. LGBT fehter cu apoinak aum hme maw tiah kan ruah kho men. Apoinak hi a mak tuk. Abik in Khrihfa le Muslim caah a poi khun te lai. NLD cozah nih LGBT cu phunning ah aser ahcun Nu le Nu, Pa le Pa ițhitumhnak (The Same Sex Marriage) kha Tazawin (official) asi cang lai. Tahchunhnak ah American ram zohchunh in kan ruat hna lai.

President Obama le Democratic party nih LGBT Nu le Nu, Pa le Pa țhitumh khawhnak cu upadi in fehter tik Khrihfabu (Church) chungah Pastor te nih Bible a kan cawnpiak ningin Nu le Nu, Pa le Pa i duh le țhitumhnak tuah hi sual asi tiah an chim ngam ti lo. An chim ahcun Upadi buar ansi lai i., thong thlak khawh ansi. Cu ve bantukin Kawlram zongah NLD cozah nih LGBT phungning ah upadi an fehter ahcun Bible nih Nu le nu, Pa le Pa sualnak tuah cu sual asi timi kha kan chim ngam ve ti lai lo.

Kan chim ahcun upadi buar kan si lai i a linglet in thongthlak khawh kan si te lai. Cucaahcun kan biakinn le kan i cawnpiaknak ah LGBT cu sual asi tiah kan chim ngam ti lai lo i Khrihfa buu chungah Nu le nu Pa le pa țhium aduhmi an um sual ahcun Pastor nih aduh zong duhlo zongah lehthah piak a hau te lai. A duh lo ahcun phungbuar asi lai.

BIBLE BIA “Cuti an tuah caah cun, minung cu Pathian nih ningzak a simi pumsa duhnak ah khan a thlah hna. Nu hmanh nih khan ningcang tein hman awk a simi an nu sinak cu ningcang lo piin an hman i pakhat le pakhat kha an sual. Cu bantuk òhiamòhiam in pa zong nih khan ningcang tein nu he um awk cu an hlawt riangmang i anmah le anmah kha an sual. Cu bantuk ningzah awk thil cu pa nih khan an tuah caah cu bantuk thil thalo nih hmuh awk a tlakmi dantatnak cu an hmuh” ROM 1.26-27. Ref. RFA. Video zoh aduhmi caah hika hi voikhat in hmehpiak law video na zoh khawh lai . Credit: Jacob R Thang.

Be the first to comment

Leave a Reply

Your email address will not be published.


*