MAH CAAH TTIHNUNG THINPHANG SI CANG, TLAMTLING HRAM SEH

Ralhrang kawlralkap lutlai mithat lainawng pa Min Aung Hlaing caah thawngpang chia taktak a chuak tthan cang. Caan karlak Myanmar cozah dirhmi Nation Unity Government nih ralhrang lutlai kawlralkap bawizik Min Aung Hlaing cu Tlaihpiak ding in NUG nih INTERPOL ah Bawmh Halnak ca a Kuat.

Ara lai dingmi April 24 ah Indonesia ram ah Asean Summit a kai dingmi mithat lainawng pa Min Aung Hlaing tlaih ding in Myanmar caankarlak cozah NUG nih vawleicung palik bu INTERPOL sin ah bawmh halnak ca a kuat. Min Aung Hlaig tlaih ding in bawmh halnak ca cu NUG, Myanmar Home Affairs le ramkomh vuanci U Lwin Ko Latt nih April 22 ah INTERPOL sin ah an kuat.ICC le ICJ ah Min Aung Hlaing tazacuai khawh a si nakhnga Indonesia ram a rat tik ah rak kan tlaihpiak u,” tiah NUG nih bawmh halnak ca a ttial hi a si.

Myanmar: Scrap Sweeping Cybersecurity Bill | Human Rights Watch

Relchih:Chin National Defense Force (CNDF) timi hriamtlaibu thar a vun dirmi kongah zeihmanh khuaruahhar awk a um lo. Chin miphun tuanbia le atulio kan sining taktak zoh tikah lungrualnak le hmunkhat te ah tangtinak hi kaa lawngin hmuh khawh asi. Tuahsernak taktak ah a um lo.Tahchunhnak ah kan Biaknak lei hmanh zoh hna usih.USA ah Hakha, Thantlang lei deuh Baptist pawl cu CBCUSA he pehtlaihnak kan ngei cio bang, Falam lei deuh pawl zong CBNA ah an ipehtlaih ve.

Cun a dang pengtlang pawl zong an mah le siaremnak cio in buu dirh le pehtlaihnak an ngei cio ve hna. Cun USA i kan mah umnak cio zong zoh hna usih, a pengtlang chirchan/hoih in Khrifa buu kan dirh, buu kan dirh ciomi kan hmuh ko. Khrihfa biaknak hmanh ah kan ithen, kan tang ti kho lo. Hriamtlai dothlennak chinchin ahcun a har chinchin kho. Hihi kan sining taktak cu asi ko. Nain lungdong lo tein kan Chin miphun lungrualnak caah thazaang a chuah pengmi le a tang pengmi cu ahopaoh nih “sui” bantukin sunghlawih cio ding tu hi mipi kan rian asi.

A pengtlang thahri in khua kan khan, khua kan ruah, lam kan kal timi hi kan sining taktak (reality) asi.A thatnak tampi a um ko nain miphun pi huap in cawlcanghnak caah cun a dotdot in meeting thut ta, kutka tampi kingh ta, hauhruang tampi lonh ta, tlang tampi kai ta hnu lawngah lungrualnak niceu dawh hmuh khawh dingin a um. Kan Chin miphun huap cawlcanghnak nakin a pengtlang le khua kongah a buai huam deuhmi tam tuknak ah atu bantukin CNDF a dirmi kongah lau awk le khuaruahhar ding a um lo.

An mah peng le tlang an funton khawh hna, thazaang an ngei i Kawl ralkap an tuk khawh , siloah an do khawh ahcun Chin miphun caah thathnemnak a chuah kho ve ko. Abiapi cem mi cu miphun khat kan si le kan ral a khat a hau. Miphun khat kan si paoh le kan ral a khat paoh ahcun tangtinak lam a um peng ko. Cucaah Chin miphun caah zeidah CNDF nih an tuah khawh te lai timi khi zoh cio te ding asi ko.Credit: Salai ZT Lian

Be the first to comment

Leave a Reply

Your email address will not be published.


*