MAH CAAH THAWNGCHIA TAKTAK, AN MEITHAL ZONG AN LAKPIAK DIH HNA

Yangon Tlanglawng Cung ah Palik 4 Meithal in an Kah Hna.Nihin zaanlei sml. 5:00 hrawng ah Yangon, Insein lei ah a kalmi khuaveltu tlanglawng cung ah SAC palik paruk meithal in kah an tong i pali an thi. A thimi palik 4 ruak cu Kyihmindaing tlanglawng dinhnak hmun ah SAC nih an lak hna, tiah khuami pakhat nih a chim. A thimi palik 4 i an meithal pawl cu a kaptu mibu nih an lak i an i kalpi. The Chin Journal

May be an image of child and indoor

Thawngpang dang: Tuni ah Matupi le Mindat karlak motor lam, meng 14 pawng hrawng ah Uico Ralhrang kawlralkap le CDF Pasaltha karlak ah raldohnak a chuak. Nihin zinglei suimilam 7:00PM hrawng in kahnak a chuah hi a si i Ralhrang lei pahnih an thih lawng si loin, a dang 4 leng nih hliamhma fak an tuar tiah theih asi. Cu lawng si loin Mindat khuapi thlanglei, Yat Ywa le Ya Yaw khuate pawng zong ah kahnak a chuak rih.

A sinain nihin kahnak ah CDF Pasaltha lei cu an nunnak a him dih tiah theih asi.Hi konghe pehtlai in Mindat khua mi pakhat nih Ralhrang lei nih Sitcawng pathum nak tlawm loin an kan doh, hmunthum in an rak kan luh hnawh. An i kaap, chikhat an ngol i an i kaap nolh tthan ti bantuk a si. Cucaah thaizing zong, hi nak in raldohnak a zual deuh kho dirhmun a si ko tiah a chim.Nihin raldohnak ah CDF pasaltha pawl cu Pathian nih a venhim hna, an nunnak a him dih ti asi. Pathian nih dirkamh chin hram hna seh.

Relchih Tuni Ah Biafiang An Langhtermi: Pu Joshua thihnak kongah fiangtein an langhter mi a si. August ni 12 ah ralhrang kawlralkap hna nih atukbuhrum ah an kahthah mi Pu Joshua hi fa pathum a ngeimi a si. Ralhrang kawlralkap hna nih an tlaih hnu ah an kahthahmi asi. Hi konghe pehtlaiin khuami pakhat nih a chimmi cu Pu Joshua le a nupi cu an i sik or an buai ruangah Pu Joshua cu zu din ah Chawngkhua panh in a kal.

Kalay PDF lei commando angki an i hruk tawn ruangah ralhrang kawlralkap hna nih PDF lei ah an ruah i, an va kal hnawh i, an va tlaih. Culio cu khuachung minung pakhat nih a hmuh dih hna. Achimmi cu ralhrang kawlralkap nih Pu Joshua cu hri in tem an timh i, acawlcangh i an buaipah ngai. Asinain voikhat an suk i, kahthah dingin nawlpeknak an hal lio ah minung pakhat nih a hnu lei in a kah.

Pu Joshua hi Atuk bukhur in a kah i, akaa in meithal kuan a chuak, Cun a kut zong a khen rih. Pu Joshua hi fa pathum angeimi a si i, a fa hniang cem hi thlathum te lawng a si rih tiah an chim. Zan muih tiang i kahnak a chuah ruangah a ruak hi a thaizing lawngah lak khawh asi. Zingka suimilam pahra hrawngah a ruak hi khuachung mi le upa hna nih an vui.

Tutan ah Pu Joshua an kahthah nak hmun hi Chawngkhua lonh deuh, Kalay le Gangaw lampi i Pamuanchawng lei deuh te ah a si tiah a chim. Hi ni thilcang ralhrang kawlralkap le Kalay PDF i kahnak ah Kalay PDF lei in minung pakhat hliam a tuar i, ralhrang kawlrlakap lei in minung pathum an nunnak aliam tiah thanhnak an rak tuah.

Be the first to comment

Leave a Reply

Your email address will not be published.


*