Mah Bantuk Miphun Cu Uar An Um Bak Ko, Ram Le Miphun Ca’h Thih An Ttih Bak Loh.

Zeitluk in dah Ram le Miphun caah an dirngam ti hi biatak tein tuni ah kan hmuh tthan. Upat awk tlak hrimhrim an si. Zeitluk in dah ttih a nun ti nizaan ah an theih ko nabuin Lung thawng tak tak in an chuak kho rih.Nizan Minung Tam Tuk an Kah Hnanak Hlaing Thayar ah Lamzawhnak an Pehzulh Thotho rih.

March 14 ah Yangon ramtthen, Hlaing Thayar ah palik le ralkap nih meithal in an kah hna i a tlawm bik minung 50 an nunnak a liam. Minung tam tuk an thih pin ah nizan zanlei thawk in Martial Law zong ralkap nih an nunter ko nain nihin ah minung tampi nih ralkap uknak duhlo lamzawhnak pehzul in an tuah thotho.

Nihin lamzawhnak zong ah meithal in an kah tthan hna caah a tu tiang ah minung 2 an nunnak a liam i hliamhma a pumi zong an um len hna.Hlaing Thayar hi rianttuannak sehzung tampi a umnak a si i, Yangon ramtthen ah misifak an tam biknak pengkomh pakhat a si. Misifak an tam bik nak pengkomh a si ko na buin nunnak tiang pek ngamh in an chuah ngam than mi nih hin zeitluk in mipi ni Demomcracy kan herh ti a langhter. Crd- The Chin Journal

 

Be the first to comment

Leave a Reply

Your email address will not be published.


*