MAH BAK HI ASI KO CANG, ALUNGTLING PAOH KUT BENG HNA USIH

Chin mi nih Pu Henry Van Thio kan ngeih hicu kan van a ttha tuk ka ti ,a bik in Laimi kan ca ko ah a ttha khun ka ti. Zeicahtiah a kan bomh mi hi tuak tuah uh? Pu Henry Van Thio cu Vice President a ttuan i NLD upa nih an theih tuk cang pin ah a mah hrim zong pafit, ram daw a si i tutan ah a tlin rih ahcun hmunhma pakhatkhat tal ahcun NLD upa nih an pek tthan rihlai tiah beiseinak a um.

Vice President a si cia nak mithmai he a ttuan lai ding mi power he Chin State caah cun bochan ding a sitthan lai ticu chim hau lo a si .Cun Chin caah kanpa kan u a fim nak le ram a dawtnak thinlung hi hmantthan khawh i zuam hna uhsih. Cattialtu A Le Nichin.

Uar a umtuk mi Salai Cabia relchih hmanh:Thantlang NLD candidate Pu Chan Ham (tender bawh company ngei vemi) nih Thantlang siizung a sak, kum khat hlan ah ruahti a zut dih tiah thawng ka theih. Rial a tla caah asi hnga maw? Thantlang peng NLD phu nih khuate ah ningcang lo tuk in Lungthli Tum nan thangchiat i thlak nan timh peng rih ahcun nan pathum ning in nan sung lai.

Kei hi NLD a uar bakmi ka si, nain Laitlang NLD minung ka uar lomi an tampi ve. Thildik tanh zungzal aa timmi ka si caah NLD candidate an tuanbia tlawmpal ka hun langhter.1. C. Za Cung(Pyithu Hluttaw candidate) Pu Zacung hi Thantlang peng NLD chairman a si. Tender bawhmi company a ngeimi a si ve.

Mara ram Fartlang le Lailen kar lam a cawh i a cawhmi lampi hi Laitlang lampi vialte lakah a chia bik cazin ah aa tel lai. A cawhmi lampi a chiahru tuk ruang ah cozah lei zohfeltu an ra i Pu Za Cung nih zuu a dangh hna, zuu an rit hnu ah lampi zohfel ti loin an kir tiah khuami sin in thawng ka theih. 2. MP Ni Sui Lian (Pyine Hluttaw candidate) Anih hi Leitak vs Hmawngtlang buainak kong ah Leitak(amah khua) lei in biatak tein a ttangmi a si.

Hmawngtlang khuami nih cun a tih bak in an tih. Pu Zobawi report a tuahtu lakah aa tel ve caah Pu Zobawi a tanhmi khuate ah cun tlun inn hmanh onh an timh ti lo tiah ka theih.Cun, cozah nih Khuabung oo-suh caah siizung an pek hna, a lai bikmi le khua ngan bik Khuabung B ah siizung chiah ding a si nain MP Ni Sui Lian nih a vapa Pabawm a khua Hlamphei(khua hme deuh) ah a chiah diam ko, khuaruahhar lei khi a si.

Keimah ruahnak: A dingfel lomi le a eihmuarmi minung nih zei party candidate an si zong ah kan ram an thleng kho lo, an hrawh lehlam. Kan miphun aiawhtu MP kan thim tikah party min lawng zoh loin an minung tuanbia zong zoh chih hram u sih. Credit: Salai Lung Thli Tum

Be the first to comment

Leave a Reply

Your email address will not be published.


*