LAWMHNAK IN AN KHAT, DALAN PI CHUR PI AN KAH THAH

Ralhrang kawlralkap sin ah thawngpang a pe lengmang mi ralhrang kawlralkap a dirkamhtu Dalan pichur cu meithal kahnak in a nunnak aliam. Yangon ramtthen Tamwe Myone Kyauk Myaung i, Satipatthana ah ralhrang kawlralkap sin ah a thlithup in thawngpang achim lengmang Dalan Pi CHUR pi, khuabawi a simi cu a motor chungah meithal in an kahthah.

Dalan pichur Daw Soe Soe Lwin hi khuabawi asi i, a hlan ah puaisa a rak ttuanmi a si. Ralhrang kawlralkap hna nih nawlngeihnak an lak hnu ah ralhrang kawlralkap kuttang ah Sang khuabawi a ttuanmi a si. Mipi hna an cawlcangh ning vialte hna cu ralhrang kawlralkap sin ah a thlithup in thawng athanh lengmang tiah an chim. Amah ruangah minung tampi an tleih hna i, a nunnak aliammi zong an um.

May be an image of one or more people and outdoors

Ralhrang kawlrak a dirhkamhnak bia le hla zong social media ah alanghter lengmang mi a si. Dalan pichur Soe Soe Lwin cu tuzing suimilam pahra hrawngah motor in lengah a chuak I, mizei ti theih lomi nih meithal a motor chung lila ah an kahthah. Thil a cannak hmun ah ralhrang kawlralkap hna cu an rak phan colh tiah an chim.

Hi konghe pehtlaiin pawngkam a ummi pakhat nih a chimmi cu Motor chung a um lio ah an kahthah. A hlan ah Soesoe Lwin hi puaisa a ttuanmi a si i, ralhrang kawlralkap kuttang ah sang khuabawi a ttuan. Amah ruangah minung tampi an tleih hna. Suimilam 24 chung bak ralhrang kawlralkap sin ah thawngpang apetu asi. Nu sual taktak asi i, an kahthah mi cungah sang mipi an i lawmtuk tiah a chim.

May be an image of 1 person and text that says "We Stand With Army"

Thawngpang dang:Thantlang in Khualhring Tlaang lei ah SAC ralhrang an kal. Nihin zinglei ah Hakha in Thantlang lei ah SAC ralhrang minung 50 hrawng an i thawh i, nihin zinglei ah Khuahringtlang lei ah an lan, tiah thawng kan theih. Thantlang khuami pakhat nih, “Nihin zinglei Lo in ka tlun pah ah Buva ah ka ton hna i ka thilri an ka check dih. Cun, Thlantlang khualuh lai ah bu khat he kan i tong tthan,” tiah a chim.

Ralkap bu 2 an si i, kee bak in Khuahringtlang lei ah an kal hna. Khuafo hna an phan cang hnga maw dik,” tiah a chim chap. Atu SAC ralhrang pawl an kalnak Khuahringtlang lei hi CNF Camp a umnak he cun a lampi aa ralkah deuh ngai i, zei ruang ah dah Khuahringtlang lei an kal timi fiang in theih a si lo. Credit:The Chin Journal

Be the first to comment

Leave a Reply

Your email address will not be published.


*