KIA THANHNAK ATUAH CANG, KAN CAMP AH NAWL NAN RAK HAL AHCUN

CDM tuah ruangah Kawlralkap le Palek nih hrocer le tleih dingin minung pakhat KIA camp ah umnak nawl nan hal ahcun kan in umter hna lai i, kan humh him hna lai tiah KIA nih cathanh an chuah. Kawlralkap le Palek hna nih Kachin ram Myitkyina khuapi ah minung pahnih an thah hna ruangah KIA cu an thin hung ngaingai i, Kawlralkap an phomh cang hna.

Kawlralkap zong KIA sakhan an kah, KIA zong nih ralkap sakhan an kah ve, Kap hnih karlak ah biatak tein an i phomh cang. Kawlralkap le KIA an i kahnak hi nithum chung pehzulh asi cang. KIA nih mipi lak ah kahcu mipi an tuar lai caah tiah kawlralkap sakhan ah an va fuh hna ti asi. Kawlralkap he an karlak ah thawngpang alinhsat cuahmah lioah KIA rianrang in cathanh an chuah.

KIA nih thanhnak an tuahmi cu CDM tuah ruangah ralkap le palek pakhat khat nih hrocernak le tleih dingin an kawlmi pakhat khat nih KIA camp ah um dingin halnak atuah asi ahcun kan umter hna lai i, kan zohkhanh hna in, kan humh him hna lai tiah an thanh. Hi cathanh an chuahmi konghe pehtlaiin KIA ralbawi biahalnak an tuah i, mah cathanh hi ahman mi asi ko tiah mipi sin ah thanhnak atuah.

No description available.

Relchih:CNF KAN SOISELNAK BIA HNA HI THUK DEUH IN RUAT USIH! CNF kan soiselnak bia tampi chungin pahnih thum ka vun char lai, 1. An ral a chia tuk… Tha tein ruat ve law “an ral a chia tuk” timi bia hi a dik hnga maw? An ral a chiat lo ruangah kum tampi thingtang le ramlak ah hriamnam tlaih in an vak! Mi ralchia nih mah bantukin an tuah bal lo! Cun anmah zawn an i ruah caah maw miralchia bantukin an um, mipi zawn an ruah caah dah?

Hi biahalnak hi tha tein ruat! Mipi kan in ven hna tiin hriamnam he chuak hna seh, ram-ui pawl khi kap hna sehlaw anmah nakin a tuar deuh ding cu mipi kan si! Cucu CNF hruaitu hna nih fiang tuk in an hmuh! Cucaah an ral a tha tuk nain miralchia bantuk in an um rih! Asinain an meithal an puah caan cu a phan te ko lai! Cutikah atu hi CNF miralchia a titu vialte cang-ai bang kua chungah lo diam kan luh lo ding a biapi!

Pahnihnak. Zeihmanh an si lo..! Zeihmanh a si lomi nih zeihmanh an tuah kho bal lo! Asinain CNF nih cun Chin miphun caah thiltha an tuahmi a tampi! Ramthumnak lanh khawhnak kutka an on mi le Chin National Day an umter khawh mi hi tlangcung hriamtlaibu dang hna hruaitu nakin thil an ti khawh deuhnak a si!
Rakhine nih, Shan nih, Kachin nih, Mon nih, Karen nih National Day ngeih an duh tuk teh! Mizo zong nih an duh tuk si! Asinain atu tiangah an ngei kho lo! Kannih Chin cu CNF hruaitu hna thawngin kan ngei kho! Zeihmanh an si lo a titu hna nih an tuahmi hi kan tuah kho hnga maw? Ruah cikcek a hau!

Pathumnak. Midang an tluk lo….! Chawva le hriamnam, minung tlawmtam lei ah hriamtlaibu dang an tluk lo kho men ko! Asinain zeiruangah ti kan zoh a hau! Shan, Karen, Kachin le AA hriamtlaibu hna nih tangka an laknak bik cu bing le an ram chung lungvar mansung hna a si! Cu pawl cu kan Chin ram ah a chuak ve lo, a um ve lo! Cun an mipi nih chawva in siseh a minung in siseh an dirkamh tuk hna! Cucu an thawnnak a si ko!

Chin mi dihlak, rian a tuanmi paoh, business a ngeimi vialte nih CNF ah thawh dih tuah usih ca, CNF hi a thawng tuk ko lai! Mipi nih za ah za kan dirkamh ko hna buin zeihmanh huaha an si lo ahcun mawhchiat ding a si ko! Mipi nih kan dirkamh lo tuk hna bu hmanh in hitluk an cawlcangh khawh mi hi kan pale uar an um tuk ka ti! Atu hi a aukhuangmi nih CNF hi hruai usihlaw kum 5 kan kal kho hnga maw? Mi tlawmte dirkamhnak in kum 30 leng CNF an kalpi khawhmi le rian an tuan khawhmi cu thangthat an phu tuk!Cucaah cun CNF hi soisel, mawhchiat le thangchiat loin kanmah le ti khawhtawk tuin tha pe cio usih, dirkamh cio usih.Long live CNF…God bless CNF. Credit: Van Bawi Lian

Be the first to comment

Leave a Reply

Your email address will not be published.


*