KHUARUAHHAR SI CANG, THANHNAK AN TUAH, AN SUALNAK AN I HMU LOH HIH

PDF Pawl nih sualnak ngeilo Palik le Ralkap an thah hna tiah Zaw Min Tun nih a chim. Zaw Min Tun nih nizan ah thanhnak atuah. PDF hna nih Mytel Tower an hrawhmi hi rampi rawiphir a si caah a hrawktu hna cu ralkap nih kan tlaih hna a si ahcun thah lo cun a dang a um tilo tiah a chim. Voitampi kan thinlung kan tthumh zong mah ISIS, Taliban bantuk nih mipi harsatnak phunphun pek an timh mi hi rampi hrawh an timh si ko.

PDF nih hibantuk thil an tuah peng rih a si ahcun ralkap nih hin lakhruak phung pakhat kan thanh lai i, PDF hna an chungkhat hna cu ramchung ah kan kawl hna lai i, kum saupi thongthlak a silo ah thah tiangin dantatnak kan pek hna lai tiah a chim. Atu ahhin PDF hna nih Yangon le Mandalay khuapi siseh hmundang dang ah bomb an puah ruangah sualnak ngeilo ralkap le palik an thi.

Curuangah mipi hna nih misual rian a ttuantu PDF aa timi hna hi nan theih hna asi ahcun ralkap zungah thawngpang nan rak pek khawh tiah a chim. Sihmanhsehlaw ralhrang kawlralkap hna nih sualnak ngeilo mipi a thong an thahmi hna kong cu pakhat hmanh an langhter lo. A lingtalet in PDF sualnak lawngte an kawl. Anmah nih an thahmi hna cu sualnak tuah ah an i rel lo.

Tatmadaw denies sending more troops to Kachin, Shan | The Myanmar Times

Thawngpang: Kan Unau ralzam hna ei le din an chanbau ding ka siang hna lo tiah Mizoram Health Minister Dr. R. Lalthangliana, MLA nih a chim. Kawlram buainak ruangah ralzam Mizoram ah an rak lut chin lengmang. Nizan tiawk Lungler Sakhan i kahnak ruangah khuami hna cu a himnak hmun panh in an kal hna. Atu ah hin Mizoram Cherhlun le Ngharchip cun Thingsai le Bualpui hna an um.

Nizan tiangah ralzam a lutmi hna hi minung 1252 an si cang. Ralzam a rak lutmi hna cu MLA Dr.R.Lalthangliana nih rianrang in a kal hnawh colh i, an ei le din ca facang trip hnih ka pek hna lai tiah a chim. Culawng silpolin facang pin Pe bag 16 le Chiti case 16 siseh an i dawrnak caah Sirpolin zeimawzat zong pek an si lai tiah a chim rih.

Cun an ngandamnak a tthat le that lo zohfelnak tuah dingin Cherhlun PHC le Thingsai PHC le Hnahthial District Hospital in Medical Team thlah an si lai tiah a peh chap. Dr Thangte nih a chim tthan rih mi cu ka huamchung ah lungrethei thlaphang in a rak zaammi hna hi ka zaangfak tuk hna, hohmanh ei le din chanbau an um ka siang hna lo i, a herhning in ka tuak peng lai tiah a chim chih.

Be the first to comment

Leave a Reply

Your email address will not be published.


*