KHUABAWI PA RUANGAH SUALNAK NGEILO FA 9 ANGEIMI NUNNAK ALIAM

SAC ralkap nih rian an pek mi khuabawipa le a mah he lakphak dawr ah a thu mi minung 3 meithal in kah an tong. Bago region Mon sang ah tuni July ni 10 zinglei nazi 7 hrawng ah ralkap lei nih rian an khinh mi khuabawi U Thaung Ngwe le a mah he lakphak dawr ah a thu ti mi minung 3 hna cu meithal kah an tong tiah theih asi.

Meithal kahnak ruang ah U Thaung Ngwe le U Thun Tun Oo cu a hmun ah an thi I a dang pahnih hna cu an hnakhaw le an ban ah hma an pu tiah theih asi. A thi mi U Tun Tun Oo cu ralkap nih pek mi zei rian hmanh a lak mi asi lo I mipi sawh sawh asi tiah a chungkhar hna nih an chim. Ka vapa cu lakphak dawr ah a thu bal mi zong si lo.

Tuzing cu khuabawi pa nih a rak sawm caah a va kal nak ah hi tiin kah a ton hi asi.Khuabawi pa he a thut ti ruang ah maw an kah si lo le accident in an khen sual mi maw asi ti zong kan thei lo. Kan mah cu leikuang ah a um peng mi kan si. Eidin kan hartuk caah khua chung ah kan vun um ah hi bantuk in kan ton hi asi.

A tu cu fa minung 9 he a kan tantak cang tiah U Tun Tun Oo nupi nih BBC ah a chim. Kahnak a caan hnu tlawmpal ah ralhrang kawl ralkap pawl an rak phan i check hlai nak pawl an tuah len. A thi mi ruak pawl cu chun hnu ah phum ding in timh tuah nak kan ngei tiah tantak mi innchungkhar nih thawngzamhnak ah an chim.

ဦးထွန်းထွန်းဦးမိသားစုဦးထွန်းထွန်းဦးမိသားစုNo description available.ဦးထွန်းထွန်းဦးမိသားစု

KIA Le PDF Fonh Ralkap Nih Nili Chungah Ralhrang 180 An Thah Hna. Kata Ah KIA Le PDF Fonh In Kahdohnak Ni 4 Chungah Ralhrang Lei In ralbawi Tel In Minung 180 Nak Tlawnlo An Nunnak A Liam. Sagaing ramthen, Kata peng ah KIA le mipi vengtu ralkap PDF hna hmunkhat ah fonh in ni 4 chung kahdohnak ah ralhrang lei ralbawi tel in minung 180 an nunnak a liam tiah Sagaing PDF nih nihin ah phungning ten cathanh an chuah. Kata peng mipi vengtu phu KIA brigade 8,Batalian 5 hruainak in ralhrang phu si mi tatmah 88,Kata tatyin 204 le 304 le 309 phu hna he Myohlah khua pawng ah kahdohnak a chuak. July 5 zaan suimilam 9 hrawngah PDF le KIA nih an chiah mi bomb pahnih an i puahhnawh i rallokap lei in minung 10 nak tlawnlo an thi.

July 6 zing suimilam 8 hrawng ah rallokap phu minung 100 citmi tilawng pathum cu KIA le PDF nih RPG in voitam pi an kah hnu hna ah tilawng pahnih cu a rawk i rallokap lei in minung 60 nak tlawn lo an thi, tilawng pakhat cu a luat tiah theih a si.July 7 zaan suimilam 10 hrawngah rallokap phu in ralbawi hruainak in an hmunhma chung ven nak caah an chiah mi bomh 4 cu a puah caah ralbawi telin rallokap phu minung 30 nak tlawnlo an thi. July 9 ah Myohlah khua ah ralhrang rallokap nih vanlawng 4 in an kah hna caah fakngai in kahdohnak a chuak , rallokap lei in minung 50 nak tlawm lo an thi, minung 70 nak tlawm lo hliam an tuar.

PDF lei in minung 3 an nunnak a liam, minung 3 hi pehtlai khawh an si lo tiah cathanh an chuah. July 9 zaanlei ah Kata tatyin 309 in Myohlah ah bawmtu ra mi, Double Cub 1 le ke 6 ngei mawtaw 1 cu Pawmamyine (ပေါမမြိုင်) khua le Kata Cargate kar ah KPDF le KIA hmunkhat ah i fonh in kahdohnak ah rallokap lei in minung 30 nak tlawm lo an thi than. Ralhrang phu hna cu မိုးတားကြီးအုပ်စု၊ မိုးတားလေးအုပ်စု၊ အုပ်ချေ၊ မြို့လှ၊ မှတ်တိုင်၊ နမ့်စန်း၊ ဆူးပုတ်ကုန်းရွာ pawngkam ah an chungtel ralhrang hna ruak cu vawlei co in an phum hna, hliamtuar mi hna zong tilawng in an thiar hna tiah theih a si. TCP

Be the first to comment

Leave a Reply

Your email address will not be published.


*