Khah Surngen Khua Bawi Nak Kong Ah A Fiang Cem

Khah a ca na rel dih hnu in ho dah palh t cu fiang tein theih khawh si,A tunai Surngen khua buainak kongah khua nu khuapa hna nih bia fianhnak cu hi tihin an tuah dih cang. Khuami ai awhtu in biachim tu Salai Augustine nih Pu Chan Hre hi khuami nih kan dihlak hnatla tein kan thimmi a si. A nih hi khuami chung in dohtu phu pakhat  angeih caah report zong tu le tu an tuah lengmang.

Khuami nih kan duh caah kan khuabawi siding in kan thim bantuk in pakhat khat khuami caah rem lonak atuah si ahcun khuami hna nih phuahnak nawl kan ngeih ve ko. Cu caah Pu Chan Hre hi khuami caah thil ttha atuah zungzal tu asi tiah a chim. Khuami nih kan duhmi poh fial in thil  atuah zungzal tu a si ti asi.Cun Pu Chan Hre fir an puhmi zong kha an lih lanwgte asi. Cun Pu Van Peng hi khuami nih kan ttih ngaimi mirum pakhat asi.

Pu Chan Hre khuabawi a vun ttuan bak in dohhram aa thok. A mah zong hi khuabawi rian arak ttuan balmi a si. A mah ruang zongah khuami khuadang ah aa thiammi hna hi inn 8 an si cang. Cun khuami nih lo kan thlawh kan tlak tikah a mah duhnak hmunhma ah lo aa tuah pengmi a si,khuabawi bia pakhat hmanh zong angai duh ballo mi asi.Cun Pu Van Peng hi a mah duhnak lawng rinh in khuami hnatla loin thil a tuahmi hi a tam tuk. A sinain amah inn hmai yimiang khur cawh ding bel ah a hohmanh nih ka inn hmai yimiang khur nan cawk kholo, nan cawh si ahcun kan thah dih hna lai a kan ti caah khuami nih an zam tak tiah Surngen khua mino Secretary nih a chim fawn.

Surngen khuabawi kan phuah piak hram uh a timi hna bia lehnak kongah a chimchap rihmi ah Pu Chan Hre hi khuami ngakttah, sifak hna caah dawtu le biatak in rian ttuan tu asi caah kan phuah piak hlah ko uh. Khuami duhnak in thil  atuahtu a siko.Cu caah khuami kan duh tiah kan thim cangmi a si caah thil tthalo khuami cungah a tuah si ahcun khuami zong nih phuahnak bnawl kan ngeih ko tiah a vun ti.

Hi bantuk in Pu Chan Hre cu a rian in kan phuah piak ko uh tiah a luancia ah khan khuami rian ttuan minung 4 hna nih an rak chim. A sinain a tu khuami nih khuabawi pa a chiatnak pakhat hmanh an chim lo tikah Pu Chan Hre hi khuami caah thil tthalo a tuah bal lo tikha a vun langh ter. Bia fainter a tuah tu hna nih an chimnak ah cun Pu Chan Hre a dohtu pawl hna nih meeting zong a kai duh ballo mi Pu Chan Hre a dohtu pawl an si.

An nih cu sahrang bantuk in ttih a nungmi an si. An mah nawl tein khuabawi theihlo le khuami theihlo in rian zong a ttuanmi an si. Cun khuami hna telh lo phu dang in aa phuahmi hna an si biaknak ti dah locun khuami lo in hmawngkhu in a ummi Pu Chan Hre a dohtu pawl an si hna. Hi bantuk buaibainak a chuah zong hi an mah hna ruangah a si.

Hihi Surngen khua mi an kan doh zong asi tiah Surngen khua mino Secatary a ttuan liomi pa nih cun avun langh chih tthan.Hi bantuk in Surngen khuabawi pa cu khuami chung in rak doh a si tikah a rian tiang in dinh ter dingah report tuah lengmang a si. Khua nu le pa hna talwmpal bia chimnak ngeih tikah Pu Chan Hre hi khua le miphun caah rian ttha tein a ttuan mi asi. Cun khuami hna zong nih an I bohchan tuk ti cu a lang ko.

KHuami ai awh in bia chimtu an tam nain mino Secatary panih a fainter nak alnwg ka vun langh ter hna. A fiang ngaingai ko a mah chim ning bantuk in asi tak ahcun Pu Chan Hre hi a palh lo tin ak asi ko. A chim nak ahcun Pu Chan Hre nih fialmi zong kan si lo, a tapeh zong kan si lo tiah a nolh chap.

Note. ho dah palh le palh lo cu a fiang ko hih

Crd:

Be the first to comment

Leave a Reply

Your email address will not be published.


*