Khah Khurkhua Ruat Bu Tein Vote Pe A Nai Cang Hih

RED PARTY MAW, BLUE PARTY DAH NAA THIM LAIĀ Atu lio cu America ah siseh, Kawlram ah siseh, Election a naih tuk cang caah boruak a linsa ngai. America ahcun party pahnih lawng an si caah lung a buai lem lo nain, Kawlram tu ahcun party 93 aa zuam ding an si caah boruak a cuan thiam lomi caah cun theih thiam a har ngai.

America ahcun Pu Trump hruaimi Republican hi Red party an si i Joe Biden hruaimi Democratic hi Blue party an si ve. Republican hi ram dawmi an si i Democratic pawl hi mi zuangzam deuh Tuluk a ngamh lomi an si ve.Kawlram ahcun NLD hi ram a dawmi Red party a si i CNLD hi a zuangzamdeuhmi, papalak bantuk, a herh an tiningin mi zei poh he i bawm in riantuantti poi a ti lomi Blue party an si ve.

Kawlram ah party 93 chungah party ngan cu ram a dawmi NLD le mah zawn lawng a ruatmi ralkap hruaimi party pahnih lawng an si. Party fa tete 91 chungah hin election ahcun 35 hrawng lawng an tling te lai i, a dang 56 hrawng cu arti khuai lo ding an si.Election i a tling ve te dingmi party fa tete 35 chungah khin ralkap nih an soilem khawh te dingmi hi a tam u an si te lai. Chawva tampi in lemsoi khawh te dingmi tampi an um te lai caah mipi nih atu hin ralrin tak tak a herh.

NLD nih teinak a hmuh lawng lawng ah kan ram ah federal democracy a um kho ding a si caah kan vote kha RED party NLD ah pe dih ko hna usih. BLUE ah vote na pekmi kha khoika a phan te lai timi na thei loh. Ralkap thazang a petu kan si lo kha a biapi tuk hih.

RED PARTY NLD MAW NA VOTE LAI, BLUE PARTY CNLD DAH, FAKPIN KHUARUAT HMASA.

Crd: We Love NLD

Be the first to comment

Leave a Reply

Your email address will not be published.


*