KHAH FIANG TEIN RALHRANG DOHNAK KONG AN CHIMPHUAN CANG

NUG cozah nih ralhrang kawlralkap lei dohnak ding caan pakhat a phak ah Kawlram pumpiluk in mipi theihter nak le auh nak a tuah lai. Tuni June thla ni 4 ah NUG cozah nih a voi khat nak media sin I langh nak an tuah I cu ah cun runven nak lei vuanci a pahnih nak a si mi Daw Khin Ma Ma Myo nih NUG cozah lei nih ralkap lei dohnak ding caan pakhat a phak tik ah cun ramchung pumpi in thawh I doh ding in thawng kan thanh lai tiah Yangon Khat Tit media biahal mi cu a leh.

A tu lio ah cun ramchung dihlak in PDF pawl dirh an si I tlangcung hriamtlai bu hna hruainak hnu zulh ding, a tu lio ahcun a ho nih a kan hruai ti hi a biapi lo. Kan ral si mi ralhrang kawl ralkap pawl kan tei khawh hna dingtu hi biapi asi. Hmunkip ah ralkap doh tu ding um a herh tiah Daw Khin Ma Ma Myo nih cun a chim.

NUG nih ralhrang kawlralkap lei doh caan a si cang tiah thawng kan thanh tik ah ramchung dihlak in kan tho dih hna lai. Mihrut mi that hmang a um ah cun a kut chung ah a tlaih mi nam siseh hreitlung siseh chuh hmasa lawng ah mi athat kho ti lai lo. Mi that hmang asi mi ralkap pawl cu kan zatein kan doh hna ah cun luatnak kan hmu ko lai tiah a chim chap.

May be an image of outdoors

Thawngpang Dang:Bo Kalay peng Min Ka Kung khua ah khuabawi nih khuami hna cu athih pheih hna pin tangka a hal hna. Ayeyarwady region Bo Kalay peng Min Ka Kung khua ah khuabawi rian a ttuan mi U Hla Myo Oo nih khuami hna cu a lam phunkip in thih pheih in tangka a hallen hna tiah khuami hna sin in theih asi. Ralhrang kawl Ralkap uknak duhlonak langhternak lam zawhnak ah a tal mi le facebook ah ralkap duhlonak comment a tial mi khuami hna cu tangka nan ka pek lo ahcun pohma 505 in taza kan cuai hna la tiah a thih len hna tiah khuami sin in theih asi.

Khuami cheu khat hna cu tangka pek ding an ngeih lo caah khua in an zaam hna tiah theih asi. May thla ni 20 ah ralhrang kawlralkap nih rian an khinh mi khuabawi U Hla Myo Oo le tat-ciat-gyi an ti mi minung pakhat an rak phan I khuami inn kip ah kal in tangka an hal len hna. Tangka 350,000 an ngah hnu lawng ah an lawi tawn tiah khua mi hna sin in thieh asi.

Thawngpang dang relchih.Update:KIA nih ralhrang kawlralkap tamtuk an thah tthan hna. Moe Mauh peng Doh Phung Yan khua pawng ah KIA nih ralkap an kah hna i, ralhrang kawl ralkap minung 20 leng an thi.June thla ni 3 zinglei nazi 10 hrawng ah Banmaw mawtaw lam piin Doh Phung Yan lei ah a rak kai mi ralkap minung 100 leng cu KIA brigade 19 nih an kah hna caah ralkap lei minung 20 leng an thi tiah theih asi.

A thi mi ralhrang kawlralkap ruak pawl cu Doh Phung Yan le Nuam Lanh ah a um mi ralkap pawl nih zaan lei ah an vui hna tiah khuami hna sin in theih asi. Kap hnih I kah doh nak ah ralhrang kawlralkap lei hiramnam cheukhat zong KIA lei nih an lak khawh tiah KIA lei nih thawng an thanh. Tu ni June thla ni 4 zong ah ralkap minung 100 leng cu zahan kah doh an tonnak lam pi ah an rak kai than tiah theih asi.

Ralhrang kawlralkap le KIA tutan an i kahdohnak hmun Doh Phung Yan khua hi KIA an um bik nak hmun he a naih pin ah Alawbum tlang tang ah a um mi khua asi. A tu lio ah mah hmun le hma ah hin ralhrang kawlral kalkap minung 800 leng cu hmunhma an la tiah theih asi. KIA le ralhrang kawlralkap i kahnak hi a zual chin lengmang cang tiah an chim.

Thawngpang Dang:Surkhua Mi an Zaam Dih hna, Tar Lawng Khua ah an Taang. Hakha peng, Surkhua ah SAC ralhrang pawl an rak luh caah khuami an zaam dih i, a zaam kho lomi kum upa tar minung 20 in 30 karlak hrawng lawng khuachung an taang, tiah thawng kan theih. SAC ralhrang pawl Surkhua an phak hnu ah khuachung ah meithal an puah hnawh len hna caah khuami an um ngam ti lo i an zaam dih hi a si.

Minung pakhat nih, SAC ralhrang pawl an rak phan i zaan ah khuacung ah voi tam ngaite meithal puah sawh in an puah len. Khuami pawl an um ngam ti lo caah an zaam dih hna. A zaam kho lomi tarnu tarpa pawl cu biaknak lei rianttuantu hna nih an zohkhenh hna, tiah a chim. SAC ralhrang an phak hnu ah Surkhua a zaamtakmi hi an zapi in 1,700 in 1,800 karlak hrawng an si lai, tiah a cunglei minung nih a chim chap.

June 1-2 tiang SAC ralhrang pawl cu Surkhua meithat zung ah hmunhma an khuar nain June 4 ah cun Surkhua ah an um ti lo, tiah khuami pakhat nih a chim. Loklung khua in a zaammi hna zong atu tiang khua an hlam kho rih hna lo, tiah thawng kan theih. Credith:The Chin Journal

Be the first to comment

Leave a Reply

Your email address will not be published.


*