THINPHANG NGAINGAI SI CANG, KAWL THIMNAK ABUAI TUK CANG

Kawlram thimnak buai hram aithok cang, Atu ning cun Ralkap zong nih nawlngaihnak an lak khawhmi thil asi. Aruang cu kan theih cio bangin USDP party cu ralkap an si tiah chim lengmang asi. Tutan kawlram thimnak konghe pehtlaiin USDP cu an lung atling kho hrimhrim ti lo cucaah an duh lonak tiangin an langhter i, an phuan cang.

Rampi thimnak cu adih cang i, thimnak ttuanvo ngeitu Union Eletion Commission zong nih teinak ahmumi cu NLD party an si tiah an langhter dih cang. Asinain USDP Party nih tutan thimnak cu adik in ahmanmi thil asi lo tiah tuchun ah duhlonak an langhter. Culawng siloin tawlreltu UEC sin zongah nawlnak tiang an tuah cang hna.

Tutan thimnak konghe pehtlaiin USDP Party hruaitu hna nih thawngzamhnak pawl tonbiaruahnak Rangon ah an ngeih hna. Cun an lungtlin lonak kong zong an langhter chih. Tutan thimnak ah USDP nih ning canglo in thil an tuah tiah an langhter mi cu Myone kip siseh khuakip ah ttuanvo latu Cachimtu Saya le Sayamah hna nih an i deih lo tuk caah mino pawl thaazaang an chap mi atampi.

Cu an chapmi mino pawl hna cu NLD adirkamh mi le attanpi lawngte an si. Culawng siloin Cutin in vote thlaknak mi zong october ni 29 in November ni 5 tiang asi. Sihmanhsehlaw November ni 7 tiang caan an pek. Thimnak tuah hlan ah cozah atlaimi hna nih mipi lem soinak ah tiah bawmhnak facang, Chiti le Pee pawl an pek hna.

NLD nan vote ahcun tangka kan in pek hna lai tiah an ti hna. Cubantuk cun tutan thimnak hi ningcang atlai lo mi le ahman lomi asi caah ralkap he hmunkhat rianttuan dingin thimnak hi tuah tthan uh tiah Union Electiion Commission sin ah nawlnak an tuah. Hi konghe pehtlaiin USDP party hruaitu hna nih an duhning siseh thimnak kong ahman lo,

Tiah an chimphuan lio ah hin USDP mipi le Rose Party mipi pawl hna cu Naypidaw Union Election Commission zung hmai ah minung sawmnga hrawng nih duhlonak an langhter mi cohlannak an chimmi siseh, thimnak hi athar in tuah tthan dingin bia an chim ve tiah an langhter. Sihmanhsehlaw tuchun ah UEC nih an ti vemi cu thimnak hi adik hman mi asi ko tiah an langhter ve. Ref. BBC, DVB

Be the first to comment

Leave a Reply

Your email address will not be published.


*