KAWLRAM TANGKA THLEN VAN A TAWNG CANG, RALHRANG RUANGAH SI CANG

Kawlram tangka thlen cu van bak a tawng cang. Ralhrang kawlralkap nih uknak an lak hnu ah kawlram tangka man a ngei tilo, a ttum chuk chin lengmang cang. Atulio kawlram tangka thlen cu US tangka fangkhat ah kawlram in thongkhat le zasarih renglo a si. Tangka thlen le cawknak aa kei ti lo tiah tangka a thlengtu hna nih an chim.

Cun tulio kawlram ah Sui man zong akai taktak. Fangkhat tlai sui ah kawlram tangka in ting 15 le thong 90 hrawng aphan cang. Kawlram tangka thlen rate hi ralhrang kawlralkap hna nih uknak an lak hlan deuh January thla tiangah cun US fangkhat ah kawlram tangka in thongkhat le zathum hrawng asi. Asinain May thla in khan cun 1730 tiang a phan tiah an chim.

Tangka man attum tuk nak hnga lo Central Bank nih million zeimawzat an zuar tiah an langhter. Aliamcia june thla ah khan tangka thlen hi 1625 a si i, July thla ahcun 1674 a si. Asinain a tu zarh ahcun 1705 tiang a hung si tthan. July thlachung ah Central Bank nih dollar 39 million tiang an zuar i, August tutiang lawngah 10.1 million an zuar cang ti a si.

Gold traders to sign petition against 5pc tax on gold foil | The Myanmar  Times

Thawngpang dang:Australia Lai patthawng cakei Sui Bawi Sang (Pa Sui ) nih paih aa ka ngamh paoh ready ka si, ati ve cang. Australia um kan Lai patthawng Sui Bawi Sang nih a timi cu Australia ummi Laimi or Chinmi hna paih a ka ngamh mi nan um ah cun $ 3000 kan chiah lai. Hi tangka hi a sungmi paoh nih CDF caah kan hlut lai tiah zuamcawhnak bia alanghter.

Theihcio bangin nai hrawnghrang cu zuamcawhmi hna an vun um ngai. Aa zuamcawhmi chungah Rung Lian Ceu le Biak Hmun Sang hi a tambik. Tutan ah an i zuamcawhnak tangka hi anmah pumpak caah siloin CDF caah an timi a si. Tutan ah Australia a ummi patthawng Sui Bawi Sang zong nih thongthum in zuamcawh khawh ka si tiah a timeline ah a langhter.

Be the first to comment

Leave a Reply

Your email address will not be published.


*