KAWLRAM MINUNG TAMTUK MALAYSIA NIH AN KUAT HNA

Catialtu: Victor Khen Sang. Malaysia in Kawlram minung 1086 an kuat hna. Nihin anmah Malaysia Star News le Reuters news nih an țialmi ah Kawlram mi “phungning loin alutmi” kan tlaihmi hna mining 1086 cu Myanmar Embassy he i bawm in Kawlram ah kan kuat țhan hna tiah thawng an thanh. Tutan Malaysia in an kuat mi hna minung 1086 cu Kawl ralkap nih raldonak tilawng (Navy Ship) pathum in Malaysia ah ahung lak hna ti asi.

Immigration chimnak ah “Kan kuat mi hna hi UNHCR min khumh cang mi cu an i tel lo” tiah an thanh ko nain UNHCR nih an i tel ko, an kuat mi chung ah non-Rohingyas Muslim, Kachin le Chin zong an i tel tiah an chim. UNHCR chimnak ahcun hringtu an nu le an pa Malaysia um rih mi ngakchia kum 17 tang zong kuat țhan mi ah an i tel tiah achim. Mah kong ah ka ruah mi pakhat cu nai te ah Article pakhat nih an țialmi cu Atulio Kawlram hi abuai tuk i minung thong za in lam an zawh,

Covid tlangrai lio asi nain social distance zong um tiloin athongthong in hmunkhat ah lam an zawh dih mi khi ralkap nih avun dawi hna i ramri ah ralzaam (refugee) in an hung zaam ahcun anmah sin khin Covid tlangrai ramchung ah akarh kho, cucaah zeitindah kan tuah hna lai timi an țialmi ka hmuh. Tutan Malaysia nih minung 1086 hi tluk buai lio akuatmi hna hi buainak ruang ah minung thong tamtuk ralzaam in an hung lut te lai tiah an ruah caah atu tein ralrinnak (Warning) caah an kuat mi hna asi kho.

Malaysia cu refugee kong ah UNHCR Protocol 1967 minthu mi ram asi lo caah refugee hi an ram upadi ning ahcun “Illegal Immigrant- cozah phungning loin ramchung lutmi minung” cazin ah khumh asi. Zeitik paoh ah kuat țhan khawh nak nawl an ngei fawn. Asinain UNHCR nih an nawl peng hna caah refugee hmucia mi le UNHCR catlap ai ken mi cu an kua țhan bal tuk hna lo.

Pakatan timi Dr. Mahathir hruaimi cozah an tlak hnu in atuhi Perikataan timi cozah cu Muhyiddin nih ahruai hna i mipi duhnak an zulh sa ling asi, cucaah Malaysia mipi nih hin Kawlram mi ramchung phungning loin aum mi hna hi rem lo ngai asi caah atu bantuk kuat țhan mi kong ah cozah kha mipi nihcun an soisel hna lai lo. Opposition le Human Rights group lawng nih biatak tein soisel asi lai.

Opposition party adirpi tu mipi le an ser tharmi Covid Taskforce rianțuantu hna biachim khi refugee pawl dirhmun caah hmual angei tuk ding asi. Tutan Kawlram abuai dan cu afah chin lengmang caah pawngkam ram (Neighboring Countries) asimi Thailand, Malaysia, India le Bangladesh nihcun Kawlram in ralzaam hi atlawm le atam lawng an si te lai ti in an i ruah cia ve cang lai.

Cucaah atu te hin UNHCR le anmah Thai, Malay, India ti bantuk cozah kha țhatein va nawl cia hna i timhlamhnak ngeih cia ahau ding asi. Cu lo ahcun ramchung ah harnak ton i ramri va zaam tik zong ah harnak ton rih khawh dirhmun kan si caah akenkip in timhlamhnak kan tuah cia ah ațha lai. Reuters, A. Ananthalakshmi and Rozanna Latiff. Publishing date: Feb 23, 2021.

KUALA LUMPUR: Malaysia sent more than 1,000 Myanmar nationals back to their strife-torn homeland on Tuesday despite a court order to halt the deportation, a move rights groups said could endanger the deportees’ lives. The 1,086 Myanmar citizens were sent back on three navy ships sent by Myanmar’s military, which seized power in a Feb. 1 coup, sparking weeks of protests from pro-democracy activists. Malaysia had initially said it would deport 1,200. Credit: Victor Khen Sang

Be the first to comment

Leave a Reply

Your email address will not be published.


*