KAWLRAM DIRHMUN TULIO RAMKHEL KONG TAWITE IN VUN ZOH TUAH USIH

Tulio Kawlram politic cuanhning a tawi nakin kan vun langhter. Tu lio cu kan Ram ramkhel kongah hehchet kan mah le mah teitu si kan i zuam cio hna I Party teitu si ding kan I cuh cio hna le a nuam thulh ngaingai. Kan mifim pawl an bia chim tete ngaih an nuam khun an vision tete cu lung an hmui kho tuk hringhran ko. Kan ram le kan miphun Politic lei ah kan thin lung a vun i hlau i kan vun thangcho deuh colh ngaingai I, lawmh a um tuk.

Ramkhel lei mit au kate a si caah kan bia tete cu ramkhel he pehtlaih in policy biatak tein cuanh In biaruahnak cu a tlawm ngai. A dingfel caah ttanpi awk a si hei ti le a fel lo caah ttanpi ding a si lo ti hrawnghrang In kan bia a tam deuh cu kan vaivuan khim hna. Chin ram ah cun NLD le CNLD hi hmunhma a la bik an si caah an Mah Party pahnih hi an ni zuamcawhnak a fak khun. Ka ruat tikah Uico nak le Uico sen Saruh aa cuh mi ko khi kan hluan ko lo maw ka ti.

Uico nak le Uico sen cu saruh an I cuh tikah a teitu nih Saruh cu an tinco/ an ngeih nain pakhat hmanh an ei kho lo a mah ningin saruh cu a um zungzal ko. A cuh khawh mi ca zongah that hnem hlah a cuh khawh lomi ca zongah that hnem hlah. Kap hnih an miak mi cu retheih le lungfahnak long a si ko. An teuh nakah an ha lawng a fak men ton ko.Tu lio kan ramkhel ah khel hnawhchan bik cu saruhtumpi phunghrampi remh khotu dirhmun si ding thutdan I cuh hi a biapi bik tarket a si ko rua ka ti.

Kan vun zoh tuah hna lai, Pakhatnak . 261 le Ralkap 25% hi a bikin ngiar bik mi le rian dawnkhantu bik cu an si caah a dang cu um rih sehlaw. Pahnihnak. NLD nih (25% an um chung poh cu 261 kan remh lai lo.) Tiah an ti. Pathumnak. Ralkap nih Tlangcung mi hriamtlai vial te hriam an chiah dih hlan lo poh cu Ralkap 25% kan remh kho lo. Tlangcung hriam tlai nih hriam an chiah dih hnu longah 25% kan thlah ve lai ti a si.

Palinak. Tlangcung hriam tlai phu hna nih le (panglung caahrenh ningin mah le state cio mah le miphun cio Ralkap ngeih ding le cu vialte state kip miphun Ralkap vial te hna fonh cu Union Ralkap si seh) ti an duh lai I hriam chiah cu zeitik hmanhah an duh ti lai lo. A ruang cu Tlangcung minih Kawl hlennakah kan tla than sual lai ti an phang tuk caah an zumh kho bak ti hna lai lo.

Panganak. Tlang cung hriamtlai hna nih a tu ningin cun hriam an chiah duh nak dingah ( Rak kap nih ramkhel a him lo ti ti a ruat si ah cun zeitik caan poh ah ralkap nawlngeihnakin Uknak a ting khawh ti le , ralkap 25% Thutdan ) hi an hrawk hmasa dah ti lo cun zeitik hmanh In hriam an chiah duh nak ding a um lo.

Paruknak. A Cung lei vial te chungin (2/ 3) nak zawn khi vun cuanh than u sih law. ( Ralkap nih Tlangcung mi vial te hriam an chiah dih hlan lo 25% Thutdan kan chuahtak kho lo ) an ti si kaw zeitin dah phunghram remh khawh lo ding hrimhrim in an ven than ti ah cun , Hriam tlai phu vial te cu hriam chiah an duh zongah an dih lakin chiah khawh lo dingin hma laknak a ngei than mi cu ( hriamtlai cheukhat cu kahdaih nak minsen thut in NCA ah I tel dihding a co hlang kho hna lo) a tam deuh kha chawnhbiak nak a ngei hna nain phun2/3 cu a cohlang kho hna lo.

Cu ti a si caah zeitik hmanhah tlangcung mi vial te nih hriam an chiah dih khawh nak lam a pel te hmanh khi a um lo lawlaw khi a si. Cu caah 25% Thutdan cu zeitin hmanh in an thlah kho lo ti fiang tein hmuh khawh a si. ( 25% Thutdan Ralkap nih an chuahtak hlan lo 261 zeitik hmanhah kan remh kho lo) tia NLD nih an ti ve hawi tikah. NLD Cozah le Ralkap hruai nak chan chung poh cu 261 le 25 cu an hmun zungzal peng rih ko lai ti a fiang.

A tu ningin cun Tlangcung hriamtlai vial te nih independent khel lalaw te ding long a tang ko cang. I doh nakding ah thazang sernak caan tha an I ser ta veve bantuk men long khi a si ko ti dingin khin a um. Cu caah Chin mi daithlang in kan um wak a so hrimhrim lo kan Party le kan ralkap kan thawn ter hrimhrim I miphun caah Pathian bochan In dinfelnak he thinlungkhat In kan ttangti a her taktak lio caan a si. Daithlang ding kan tha hrimhrim lo.

Kan mah le mah Zei i rel lo nak le I ttan pi duh lo nak lungput hrimhrim cu kan thlau hrimhrim a herh cang. Cuti lo cun kan Ram sersiamnak lam kan idea thatha vial te ka i ruah chanh mi vial te hna cu pakpalong longte an si ko lai. Vanlong ground cu Hmun thongkhat zong cawh ko u si vanlong a tum kai ding an um kho lai lo. Khuapi dawhdawh ser hmanh hna usihlaw kan chuahtak I kan zamtak dih men ding ah a cang ko lai. Credit: December Vandawtlian HC.

Be the first to comment

Leave a Reply

Your email address will not be published.


*