KAWLRALKAP NIH RAMDANG MINUNG AN PHOMH CANG

Kawlralkap le Palek nih Poland rammi zong an tthuat cang. Kawlralkap le Palek ziazia cu fihnung taktak asi cang. An tuahsernak a zualhma chin lengmang cang. Thawnglatu cung tiangah lungdiriam taktak in thil an tuah ko cang. Meithal in tthenkhat an kah hna, tthenkhat an tleih hna lawng siloin faktuk in an velh rih cang hna. Hi konghe pehtlaiin thanhnak an tuah cang.

Taungkyi khuapi ah ramdang thawnglatu pakhat cu kawlralkap nih diriam taktak in an velh hnu ah an tleih. Tutan ah ramdang thawnglatu kawlralkap nih an velh hnu ah an tleihmi hi Poland rammi Robert Biciaga a si. Amah hi mipi le kawlralkap cawlcangh lio hman a thlami asi. Mipi pawl cungah kawlralkap nih cawlcanghnak an tuahnak pawl cu hman a thlak hna, culio ah an velh i an tleih hnu ah case an tuahpiak rih.

No description available.

Hi konghe pehtlaiin Kawlralkap hna nih a liamcia deuhte ah khan Japan thawnglatu minung pakhat zong an rak tleih cang. Asinain ngeihthiam halnak a tuah hnu ah an thlah tthan tiah theih asi. Tutan ah kawlralkap nih an tleihmi ramdang thawnglatu Robert Biciaga hi an thlah le thlah lo theih asi rih lo. Hi tleihnak kongah Poland lei nih an chimmi a um rih lo tiah News Journal nih alanghter.

No description available.

Hringtu apa a celh bak lo:Minung fa celh ding asi hrimhrim lo. Ka fapa ruak rak ka pe ulaw vuinak caan rak ka tuahter hram uh tiah mithli tla in nawlnak a tuah hna. Kawlralkap ralhrang hna nih lamzawhnak a tuahtu hna cu meithal in an kah thluahmah hna. Cu chungah nizan ah lamzawhnak tuahnak ah lutlai pakhat a simi Mg Lin Htet cu nizan ah khan Mandalay ah an kah thah i, a ruak zong ralkap lila nih an lak.

Hi konghe pehtlaiin chungkhar lei nih an chimmi cu Mg Lin Htet ruak hi Mandalay ralkap sakhan kip ah siseh, culawng siloin sizung kip ah dottletnak an tuah hna. Asinain zeihmanh kan thei lo ee, kan sin ah a um lo tiah chungkhar hna cu lehnak an tuah hna. Nizan ah an thahmi a si ko nain tuchun tiangah a ruak umnak or a sining zeihmanh theih asi rih lo.

Hi kongah Mg Lin Htet hringtu apa Pu Zaw Lin nih a chimmi cu ka fapa ruangah ka ngeihchia lo. zungzal in ka fapa thihnak kong hi cu ka tuak peng ko. Sihmanhsehlaw halnak tuah ka duhmi pakhat te lawng ka ngei. Cucu ka fapa ruak hi rak pe ulaw amuisam hmuh hnu ah vuinak nawl hi rak ka pe hram uh tiah hringtu apa nih lungfak ngeihchia in a chim.

Ka fapa cu lamzawhnak ah i teltuk hlah tiah ka chimh lengmang ko. Asinain amah nih a timi cu kei cu hnawm chartu men ah kai tel tiah a chim. Sihmanhsehlaw a thihnak kong kan vun theih tik ahcun lamzawhnak ah hruaitu lutlai a rak si diam. A nu le a pa hnangamnak dingah a rak chimmi arak si diam. Ralkap lei nih cun atluk caah a nunnak aliam tiah thanhnak an tuah. Cu thil cu a si kho lo hrimhrim, an kah hnu ah an velh i a nunnak aliamnak hi asi tiah a chimchih.

Tutan ah a nunnak aliammi Mg Lin Htet hi tuni March Ni 12 zanlei suimilam panga tiangah a ruak hi chungkhar hna sin ah a phan rih lo tiah thawngzamhnak nih alanghter. Culawng siloin Mg Lin Htet ruak kong he pehtlaiin Kawlralkap le palek hna zong biahalnak an tuah hna tikah kan thei lo tiah lehnak an tuah hna tiah an langhter chih.

Be the first to comment

Leave a Reply

Your email address will not be published.


*