KAWLRALKAP NIH AN TUAH TAKTAK LAI LO TIAH FIANGTEIN A CHIM

Ralkap pawl nih an tuah taktak lai lo tiah Sihni Kyi Myint nih fiang tein thil sining a langhter. Sihni Kyi Myint nih a timi cu mipi nih ttih hna seh timi an duh ruangah thah ding order an chuahnak hi a si. An i hrocernak sawhsawh khi asi ko. An that taktak hna lai lo. Than Shwe chan zongah minung tampi thah dingin an rak ti hna nain ahohmanh an that hna lo tiah a chim.

Kawlralkap ralhrang hna nih aliamcia caan ah khan ramchung mino tthenkhat hna cu thah dingin order an rak chuah cang hna. Thiding in order an rak chuahnak a ruang bik aa thoknak hrampi cu March ni 29 zanlei ah mino pawl nih ralhrang kawlralkap bawi le ralhrang kawlralkap pakhat an rak velh hna i, ralhrang Thant Sin Htwe a nunnak arak liam. Curuang ah thah dingin order an chuah kha a rak si.

Cun ralhrang pawl nih ramchung minung thah dingin order an chuah hnawhmi hna an tam ngai cang. Sihmanhsehlaw ralhrang kawlralkap hna nih thah ding order an chuahmi minung tampi chungah an tleih khawhmi hna hi minung pakhat hnih te lawng asi i, a dang tampi cu an tlai kho hna lo. Thah dingin order an chuahmi cungah tthenkhat minung tampi cu thinphang ngai in um a si.

Hi konghe pehtlaiin Sini Kyi Myint nih a chimmi cu ralhrang kawlralkap nih hibantukin thil an tuahnak hi mipi nih kan ttih hna seh timi an duh ruangah an i hrocernak sawhsawh khi asi. An that taktak hna lai lo. Than Shwe chan lio zongah minung tampi thih dan an rak pek ko hna. Asinain hohmanh an that hna lo. An i timh bik mi cu mipi nih kan ttih hna sehlaw kan hmai ah kun hna seh ti an duh caah asi tiah a chim.Ralhrang kawlralkap hna nih thih dan an pekmi hna hi zeitik ni le caan ah dah an thah hna lai timi zong pakhat hmanh thanhnak an tuah lo.

Myanmar junta chief urges economic action as Western pressure grows |  Deccan Herald

Relchih:Ramchung zongah kawlram caan karlak cozah National Unity Government nih rian an ttuan khawh cang. Atu hi a voihnihnak a si cang. National Unity Government nih a voihnihnak bawmhchanhnak an tuah cang tiah thanhnak an si. Hi bawmhchanhnak an tuahmi cu Nizan ah khan pekchanhnak an tuah i, An pekmi hna hi Karen ralzam hna an si.

Hi konghe pehtlaiin thanhnak an tuah mi cu Nizan April ni 28 ah khan bawmhnak hi kawlram tangka in ting 85 man a si. Cu hna pawl cu ei le caah a harhmi facang, chiti le pe, ngapih, ngattin, Muka tibantuk an si. Muka hi cu umnak hmun saknak caah ti a si. Aliamcia April ni 24 zongah khan kawlram tangka in ting 500 man thilri an rak bawmh cang hna.

Theihcio bangin Kawlralkap ralhrang hna nih hramhram in uknak an lak hnu ah Karen ralkap KNU pawl le ralhrang kawlralkap hna cu biatak tein tukdohnak an tuah. Curuang ah mipi hna cu khua ah um ngam loin hmunkip kaakip ah an zaam hna. Tthenkhat ralzam hna cu Thailand ramri ah an zam hna i, tthenkhat cu ramdang ah an um hna tiah thawngpang theih a si.

Tutan ah mipi ai awh in thimmi cozah National Unity Government nih bawmhchanhnak an tuahmi hi Youth Church In Moesot le Karen Peace Support Network hna nih ralzam hna an umnak hmun ah an va phawt hna. Naite zongah National Unity Government nih CDM a tuahmi cozah rianttuantu hna zong lahkhah kan pek hna lai tiah an thanh cang.

CDM a tuahmi cozah rianttuan hna an lahkhah pek dingmi kong cu a tuhi mipi aiawh cozah National Unity Government nih timhtuahnak an ngeih cuah mah lio a si. CDM atuahmi cozah rianttuantu tthenkhat hna cu ramchung ah an um i, tthenkhat hna cu hmunkip kaa kip ah an zam ve hna. Atu hi NUG cozah biatak tein tawlrelnak atuah lio hna asi.

Be the first to comment

Leave a Reply

Your email address will not be published.


*