Kawl Ralhrang Pawl Cu Ttih Bak An Nung Cang. A Titi Awk An Ttha Ti Loh

Misual ralkap uniform hruk loin an hrang. Atu lio kan dirhmun ah Min Aung Hlaing ralkap le mipi ralkap thleidan a har taktak. A ruang cu MAL ralkap tampi nih uniform hruk lo in meithal an i put i mi inn ah an lut. Tlaih ding minung an kawl hna. Vawlei cung ralkap tuanbia um bal lomi si ralkap policy zong si lo.

Mi sawhsawh bantuk in an um caah mipi lei nih kanmah lei tangmi ah ruah sual a fawituk. Cu chinchap lo ah misual ralkap thenkhat nih KIA le KNU kan si tiah mi an hlen hna.Nizan April 19 zongah Mandalay mipi hruaitu Teza San cu ralkap nih uniform hruk lo meithal i put in a um nak inn ah an kal hnawh.

Zoh nak ah cun ralkap an si hmanh theih khawh si lo. Vanthat ah Mipi hruaitu Teza San a um lo.Tuan a rak um thing nak inn a si caah an tlai kho lo.Lai lei zongah mipi lei i ralrin chin lengmang kan hau. A phunphun in misual ralkap nih mipi vai vuanh an kan timh. Hlen khawh an kan zuam.

Thawng Tha Lian Nih Hakha Ah Cycle A Fit Tthaan : Thongchuak Pa nih Hakha Khuathar ah Motorcycle a Fir Than. Motorcycle a rak fir ruang ah Kalay thonginn ah kum 2 a tla balmi pa Thawng Tha Lian (kum 25 hrawng) nih nihin zinglei sml. 7:00 hrawng ah Hakha Khuathar ah motorcycle aa zaampi tthan, tiah thawng kan theih.Thawng Tha Lian hi Kalay thonginn in a chuah hnu ah Hakha Khuathar ah a rak phan i, Saya No Chum singinn ah Baibal a cawngmi ka si tiah Hakha Khuathar khuami pawl a hlen hna.

No photo description available.

Khuathar upa pakhat nih, Saya No Chum Baibal sianginn ah a kaimi ka si a kan ti. Saya No Chum nih Hakha tiang a rak ka thlah i Vambai khua lei kal nakding ah motor ticket cawk ka herh, motorcycle rak ka hlan ta u tiah a kan ti. Kan lung ttha lo i motorcycle cu kan hlanh,” tiah The Chin Journal ah a chim. Motorcycle an hlanh hnu ah a rak chuak bal ti lo i, Khuami nih an kawl tik ah Hakha Golf Club, Thantlang lei kalnak lam ah an vung tlaih khawh. Thawng Tha Lian cu nihin zinglei sml. 9:00 hrawng ah Hakha palik nih sakhaan lei ah an kalpi cang, tiah a cunglei Khuathar upa nih a chim. Credit:The Chin Journal

May be an image of child

Be the first to comment

Leave a Reply

Your email address will not be published.


*