SALAI LUNG THLI TUM NIH A TTHUAT TTHAN CANG

Salai Lung Thli Tum nih raltha tein a vun aupi tthan cang. Atimi cu Kan miphun covo lak than a herh timi cu fiang tein kan theih, nain Pu No tapeh CNLD phu hi kan miphun covo a la than kho ding dirhmun ah an um maw timi belte kan ruat ti lo. An duh poah in an kan hlen i hlen fawi deuh cheukhat cu an hlen khawh ko hna.

Kan miphun covo kan ngah than khawh nak ding ah Suu Kyi le CNF nih an nunnak pek ngamh in an i zuam cuahmah. Nain, CNLD phu nih cun Suu Kyi zong an doh, cu lawng hlah, CNF hrawh a rak timhtu le pengtlang kar huatnak thlaici a tuhtu an pupu kha an tanpi. tiah Salai Lung Thli Tum nih a vun langhter tthan.

Relve hmanh thinlung a fak bak hih aa kan nihsawh ning hi Laimi.Thantlang peng uk(ေထြ အုပ္) a biachim hi ngaihthiam khawh asi lo. Tutan Malaysia ah aa kan thihtak mi kan nau nu Sui Hlei tial thlan kong ah heh tiah ka au cio hna, ahnu ah Covid19 respon committe le Thantlang peng uk (ေထြ အုပ္) nih thlan hmun phum ding in onh than asi.Hi kong ah Thantlang peng uk U Aung Shwe Myint a biachim hi ngaih nuam lo, laimi aa kan nehsawh tuk ti a langhnak cu bia ka hra a chim poh ah kaa ruk tluk cu Nan nih Chin mi pawl hi cu”(မင္ တို႔ ခ်င္းေတြ) ti hi a chimpeng.

Hihi chin mi aa kan nehsawh tuk ti a lang. Hi bantuk thantlang peng uk hi kan herh lo, Kawl an si ah lai an si ah rian an tuannak peng mipi cung ah dawtnak ngeimi kan herh. Peng uk lutlai asi mi nih mipi aa kan dawt lo ahcun zeitin dah a kuttang vuanthan nihcun mipi aa kan dawt khawh lai.Hi ruang ah cozah hna zong min chiat an ton pah tawn. Abik in ngeih chia mi peng le chungkhar cungah dawtnak ngei lo mi uktu cu Zei party poh nih kan doh aherh. Credit: The Voice Of Democracy.

Cabia dang. Kan Ram(Chin) Ah Solomon Siangpahrang Bantuk In Adikmi Bia Khiaktu Kan Herh.Tulio hi vawleicung nih atuarmi pulrai lio asi ticu ngakchia upa thlulo theih asi. Covid-19 irunvennak caah ninglecang tein phung ser cio asi. Committe zong. Malaysia zong nih an ser ve,Kawlram zongah ser asi. Nain tutan kan farnu nih akan liamtaknak konghe pehtlai in Ttg khuaram ah Uktu Pengtu nih an tuahto ning zoh tikah lungthin akuai ko.Athi cangmi hmanh va sisehlaw alu tal cu kan lung diriam deuh nak ah kan sin ah iphum seh tiah saduhthahnak he harle fe tein tawlrel in,Malaysia cozah zong nih felfai tein chek hnu ah Kawlram/Yangon in Laitlang an phakpi.

Tluang tein Chin khualipi asimi Hakha in Thantlang lei tluang tein an lanter ko hna nain Ttg khuachung luh le aminung hawi vuinak ah an sianh lomi hna ruah than zawn ah biangno mitthli aluang ko. A thanlianhnak a runinn zong hlam manh loin Ui le Ar menmen phum bangin JCB in lamkam ah an phumter komi hna hi zeidah an ruahnak asi hnga. Covid-19 nih phungphai(upadi) hi mi lung afiang hrimhrim lo.

Zeiruangah dah phum ciami lak than zong chunceu ah lak than ngah loin zaantim khuamang thengmang ah an lakter hna? Lung afianglo chinchin.Covid-19 iralring ruangah an ti ahcun athi ciami(positive zong asi lomi) nih hin zawtnak achuahter lai tiah an zumh caah maw? Asi kun ah ziah nihin an thial hnu in thlanhmun ah mibu in an umter than tung hna? Cupin ah party lemsoinak caah abu bu in mipi an perh an choihter ko tung hna?(Chim ding tampi aum).

Kan hawi ram ahcun covid-19 athimi zong sunglawi tein an vui hna pinah tantakmi chungkhar dainak an hmuh nakhnga an hnem hna. Kannih ram ahcun Ahro tuin an kan hro lehlam aih!(Kan ram le vawlei cia ah), Sukyi lawng Pinlung lungput angei ii akuttang pawl cu Apa thattu lungput an ngei rih ko). Ka bia asau. Zeidang ruangah si loin lungfahpi ruangah asi ko ii theihthiamnak he.

Mah lutlaitu kawlchia hna hi aho nih dah hi covid-19 committe rian hi akhin hna?Kan tonmi hi fim akan chimtu le lam akan hmuhsaktu an si bangin mah kan nunphung le kan limhang zeihmanh ah akan relpiak lomi uico rual hna hi arankhawh chungin Laitlang in tthawl an sinak hnga Ttg khuami mino le Hakha mino kan in bochan ko hna.Hibantuk ahhin kan Pu Lianluai hna hi holhnak nawl hna angei ve hnga lo maw? Or aholh duh lo bia dah,ruahlo awk atha lo.(ruahnak cheu khi ka chim duhmi).

Khua bawi bia zong zei rel loin ahro lehlamtu kawl chia hna hi mi thin an phaw tuk ai ee. Acunglei ah kan tonmi he ka peper in CHINMI nih Chinram ah adik hmanmi bia khiahtu pa raltha kan herh. Curuangah Solomon bantuk in palh lo tein cuai an thlai lai ii ninglecang tein thil akal lai.Atubantuk in sifak ngaktah kingro zohchuk ahmangmi le kan nunphung he akalh in power ahmangtu hna hi cu minute pakhat zong Chinmi nih kan herh ti hna lo.Chinmi cu kan thi-lo tikah ninglecang tein aa fimhlawm-mi le thlacamnak he aa vuimi kan si hna.Nun lio ah idawt aherh bangin,thih hnu zongah ifimhlawm kan herh.

Vawleicungah caan tawite khual atlawngmi kan si bangin Dawtnak cu kan rawl thawh bik si ko seh.Chinram ah Chin rim anammi le Solomon bantuk adik hmanmi atanh ii Miphun thisa angeimi kan in herh hna.(Vakok nun cawng). Ngaihchiat atongmi chungkhar unau nifar nan dihlak nan ngaihchiatnak mitthli hul zau hram ko seh,Pathian kan Pa thawngin. Salai Tin Lian Hmung.

Be the first to comment

Leave a Reply

Your email address will not be published.


*