Kan Mah Kan Inn Le Kan Lo Cia Ah Kawl Party Bual Kan Coter Than Hna Si Cun

“Kanmah kan inn le kan lo ciacia ah Kawl party bual kan co ter than hna si cun Chin ram ah Pura a karh lai, Laimi chung in lu kawng tampi an chuak te lai.”Thil man le nihlawh man hmanh tha te a tuaktaan kho lomi party cu maw mee kan pek len rih ko lai, sifah len ko maw nan duh?Kawl party kan tanh ko rih si cun kan Chin ram ah kan Miphun Ni simi Chin National Day nak in anmah kawl Titoih puai a sunglawi deuh lai.

Nikum zongah biatak tein Hakha khuachungah Titoihnak deu an sak i titoihnak an tuah len cang kha.KAWL an nunphung ka doh lo. Mah belte kan inn kan lo cia i miphun dang an nunphung a lartuk sual si cun cucu kan nunphung a tlaunak lam pakhat si.

Caan a sau retmat cun a nolh beh te lai.Ramdang ummi hmanh nih hi tluk kan Lai party tha kan pek ah ram chung ummi tal nih cun i fiang uh. Atu hi caan tha a si. Atutan i Lai party na tanh lo cun hmailei kan ram thatnak ding kong cu va ruat duh len hlah.Kum 5 chung NLD nih kan Chin ram a hruai. Tampi ram an sersiam nan ti a hman Cozah budget pekmi cu pei si fawm. Tuan ding tluk in an tuan leh lo.

Kawlram chung state kip NLD riantuannak zoh nak an tuahmi ah Chin ram santlai lo bik le mipi le cozah pehtlaihnak a derbik kan si kha. Kum 5 chungah zeitluk in dah ram a buai. Sandahpiah le thah nawn, ram chung ral a tam kahwh ning.Hakha Thar caah dinti an lak, nihin ni tiang minung thong tampi ruah ti pei an hman ko. Cozah ti lakmi rinh awk a tha lo kum 4 leng ruahti an hman.

Cucu maw cozah tha kan ti lai.Eidin man le ni hlawh kong ah tuak hmanh cozah tha kan ti lai maw? Pa tling nikhat a hlawhmi nih Voksa cuaikhat ceo a cawk khawh, anmah cozah zung kai cu khua maw caan ah an hlawh a kai nain rianhrang hlawh a hlangmi an nihlawh kai ti a um bal lo.

Cucu dinnak kan ti kho lai maw?Kan Lai kut chuak poh a man a kai lo, Kawl lei ra poh a man a kai dih. Cucaah Thil man le nihlawh man hmanh tha te a tuak tan kho lomi le mipi caah rian a ser kho lomi party cu mee pe ti hlah.

Note ,Saya Tluang Ceu Thang nih a ttial mi Si

Be the first to comment

Leave a Reply

Your email address will not be published.


*