KAN CHUNGKHAT CHIM CIO HNA USIH. ABIAPI TAKTAK MI THANHNAK

Mah thawngpang hi a biapi taktak mi a si caah, Laitlang a ummi kan chungkhat vialte chim cio hna usih. Cun zapi nih an hmuhkhawh dingah pakhat le pakhat zong i chim hna in, thawngpang theihter cio hna usih. Atu hi bawi lo bawi pawl nih minung an kawl hna in dottletnak an tuah hna tiah theih asi. Pakhat nih amah nan thei maw an inti hna ahcun kan thei lo tiah lehnak rak tuah hna uh.

CDM a tuahmi mipi caah rian attuan mi kan hawi le hna cu an umnak siseh, an inn cu an cunglei Bawi lo Bawi pawl hna nih an hlat hna in, an kawl cuahmah hna. Kan inn pa ah mahbantuk in dottletnak or hlathlainak a tuahmi an rak um ahcun kan theih mi asi lo, mah bantuk minung cu kan sangah an um lo tiah lehnak rak tuah cio hna usih. Hi konghe pehtlaiin Hakha Campaign For Justice nih atanglei bangin thanhnak atuah.

Kan thei lo. CDM a tuah mi mipi ca Riantuan kan hawi i an inn, an umnak cu an cung lei “Bawi lo Bawi” pawl nih an hlat i an kawl cuahmah. Kan inn pa ah mahbantuk in an kawl hna an rak hlat hna ahcun, kan thei lo, kan sang um mi an si lo tiah rak ti hna uh. Cuti na tuah thawng cun nan innpa cung ah Dawtnak le Zawnruahnak na langhter asi.

မသိဘူး. မိမိပတ်ဝန်းကျင်မှာရှိတဲ့ CDM လုပ်တဲ့ဝန်ထမ်းတွေကို လာရှာရင် မသိဘူး၊ ဒီရပ်ကွက်မှာမနေဘူး ပြောပေးကြပါ။ ကိုချစ်တဲ့ အိမ်နီးနားချင်းတွေကို လောက်ကောင်တွေ လက်ထဲမရောက်အောင်ကူညီပေးကြပါ။ Hakha GZ. Credit: Hakha Campaign For Justice. Biachap: A cunglei ah langhter cang bangin kan hawi le kom siseh, kan chungkhat vialte zong thawngthanhnak tuah cio hna usih.

May be an image of tree, outdoors and text

Relchih: Na Ngaihchiat lio i Thinlung tak tak i an Hnemtu, an Tuarpitu le Thazaang an petu na Unau kha va Philh hlah! Tuzan Mizo Sianghngakchia Bu an President Pa Aizawl i a biachim cu thinlung a tongh tak tak. A mitthli he bak in bia a chim. MZP sullam cu ‘Mizo Zirlai Pawl’ tinak a si. ‘Mizo siahngakchia Bu’ tinak a si. Hi bu hi Mizoram ahcun a thawng ngaimi bu le rinhchanhbikmi bu pakhat a si.Tuzaan ah Mizo Sianghngakchia Bu an President pa biachim cu uar aum kho tak tak. Hnangamhnak bia a chim i kan i lawm tak tak.

A chimmi cu “ India cozah le Mizoram cozah nih an kan unau hna hi an dirpi lo zong ah a dongh tiang kan dirpi lai. Mizoram cozah khawika dah nan um? Kan unau hna hi na zoh sawh sawh hna lai maw? Mizoram a rak buai lio ah Mizo mipi tampi Kawlram (Burma) ah kan zaam. Tutan ah Kan unau bak a simi hna nih harsatnak an ton hi kan zoh sawh hna lai maw? An kong hi na ruat bal maw? Kan unau lungrethei le vansang i aummi hna hi nan zoh sawh sawh lai maw? tiah Mizoram le India Cozah (government) cu fak taktak in a sik.

Mizo le Chin mi hna hi unau kan si ti hi philh lo ding a si. Ruahnak a kau deuhmi nih cun an theih tuk. Chinmi kan pa bik pakhat Dr. Lian Hmung Sakhong cauk zong i a catial mi ‘The Origin of The Chin’ timi ah miphun khat sinak cu phun tampi in a tthen. Pakhatnak. A collective Name 2. The Myth of Common Descent 3. The Chin Concept of Ram. 4. Collective Memories of Chinwin etc. tiah fiang tak tak in a langhter. Hi cauk ah hin fiang tak tak in rel khawh a si. Mizo le Chinmi hi unau a simi kan si. Kan min le nunphung zong aa hlat lomi kan si.

Ram dang dang le International boundaries ruangah ram dang dang ah khua kan sa hna. Mizo i khua a sami tampi khi kan unau kan phunhawi tampi an um. Minung nih a ramri a tthenmi ruangah unau kan sinak hi kan philh awk a si lo. Mizoram i kuli ka tuanlio ah mizo pawl nih an kan neek tuk ti ruang men miphun dihlak aiawh in mizo dihlak neek hi ruahnak tenau lungput a si. MZP nih thinlung tak tak in an kan dirkhamhmi kan hmuh tikah hnangamnak tampi a um. Bawipa nih thluachuah pe chin ko hna seh! Credit: Peka

Be the first to comment

Leave a Reply

Your email address will not be published.


*