KALAYMYO MIPI NIH RALHRANG PAWL HMAICHIA IN AN TUAH HNA

Kalaymyo ralhrang ralkap pawl hna nih an thiltuahmi a tlamtlin lo caah an kir tiah theih asi. Tuchun March ni 29 zanlei suimilam pali in suimilam paruk tiangah Kalaymyo pawngah a ummi khua Sita khua ah ralhrang kawlralkap mipi hna cu fak ngai in an i kap tiah theih asi. Cu i kahnak ahcun ralhrang kawlralkap hna cu hnu ah an kir ruangmang ti asi.

Nizan Kalaymyo thilcang konghe pehtlaiin Kankaw ralhrang ralkap pawl hna cu Kalaymyo ralhrang hna bawmh dingin motor in an rak ra hna. Kankaw lei in a rak ra mi ralhrang kawlralkap hna cu Kalaymyo ralhrang kawlralkap hna nih an don hna ti asi. Sihmanhsehlaw ralhrang kawlralkap Kalaymyo in Kankaw ralhrang kawlralkap adong mi hna cu an kir tthan.

Aruang cu kalaymyo mino pawl or mipi hna nih lampi in an bawh hna i, an tthuat hna. Caan zeimawzat an i kah hnu ah ralhrang ralkap hna cu an kir tthan tiah an chim. Tuzan lei i kahnak ah hin mipi lei in minung pakhat zong hliam hma atuar i. ralhrang ralkap lei in minung pali bak hliamhma an tuar tiah an langhter. Cu tikah ralhrang kawlralkap pawl cu kalay lei ah an kir tthan tiah an chim.

Nizan Kalaymyo Tahan ah mipi le kawlralkap ralhrang hna i kahnak ah ralhrang kawlralkap lei in minung pali an nunnak a liam ti asi. Tthenkhat nih cun sizung a ummi he cun minung hlei nga an nunnak aliam tiah an chim. Asinain ralhrang ralkap hi zeizat taktak dah an thih timi theih asi rih lo. Athimi chungah hin ralkap bawi zong aa tel tiah theih asi.

Kalaymyo Ah Palik Le Ralkap An Hrang Vivo - YouTube

Tuan deuh ah khan Thilsining langhtermi: Kalay Phak Hlan, Sitha Khua Pawng ah Mipi le Myanmar Ralkap an i Kap. Nihin zanlei sml. 5:00 hrawng ah Hmandaw lei in a rak rami Myanmar ralkap le mipi karlak kahdohnak Sitha khua phak lai ah a chuak, tiah thawng kan theih. Gangaw lei in a rak rami ralkap motor pawl kham ding in lamthluan ah a ummi khuami hna nih thingkung an hau i, cu thingkung pawl thianhpiak ding in motor 4 hrawng in ralkap an rak ra.

Sitha le Natmyaung khua karlak ah mipi nih Lai meithal pawl in an orh ve hna i kahdohnak a chuak.Kap hnih in hliam a pumi le a thimi an um lo le um lo theih a si lo. I kahdohnak a chuaknak pawng i Sitha khua hi Laimi tampi khua an saknak Lai khua a si. Credit: The Chin Journal

Be the first to comment

Leave a Reply

Your email address will not be published.


*