A NUNNAK CAAH THINPHANG TAKTAK SI CANG

Ralhrang thawngpe tu le ralhrang hna sin ah thawngpang kip a phuangtu USDP chungtel cu kah a si. Mandalay ah USDP party member pakhat meithal in kah a tong. Mandalay Chan Mya Thar Si sang ah a um mi ralkap lei thawng petu U Kyaw Kyaw Min kum 50 cu tuni June thla ni 25 zinglei ah meithal kah a tong I a nunnak caah thinphang asi tiah pawngkam mi hna nih an chim.

Tuzing ah meithal thawng kan theih I leng kan chuah kan zoh ah cun a rak tlu ko. Inn hmai a phiah lio ah an kah tiah kan theih. Voi 6 an kah i a tawk, a ke le a keng ah voi 3 ah an khen. A mah hi mi chiahru ngai asi. Kan sang ah a ho he hmanh a rem loh. Kan sang zong hi mei in kan khangh la a ti mi minung asi tiah a inn pawng si mi nu nih BBC ah a chim.

Tlawmpal a rauh ah ralkap minung 80 hrawng an phan I pawngkam vialte an check dih. Kum 20 hrawng asi mi mino pa nan hmu maw tiin inn khat luh chuak in an kan hal hnu lawng ah a kap tu hi mino asi ti kan theih tiah pawng kam um mi nih an chim. U Kyaw Kyaw Min cu USDP party member asi tiah theih asi nain party lei in thawng thanh nak an tuah rih lo tiah theih asi.

အသက် ၅၀‌ ဝန်းကျင်အရွယ် ဦးကျော်ကျော်မင်းဟာ သေနတ် ၆ ချက်ပစ်ခံရတဲ့အနက် ၃ ချက်ထိမှန်သွားခဲ့အသက် ၅၀‌ ဝန်းကျင်အရွယ် ဦးကျော်ကျော်မင်းဟာ သေနတ် ၆ ချက်ပစ်ခံရတဲ့အနက် ၃ ချက်ထိမှန်သွားခဲ့No description available.အသက် ၅၀‌ ဝန်းကျင်အရွယ် ဦးကျော်ကျော်မင်းဟာ သေနတ် ၆ ချက်ပစ်ခံရတဲ့အနက် ၃ ချက်ထိမှန်သွားခဲ့

Thawngpang Dang: Apoi ko. Nizan nikhat chung lawng bak ah Kalaymyo ah covid zawtnak in minung 31 an nunnak a liam. Nizan June 24,2021 ni cu Kalaymyo khuapi caah cun ngaihchia a si ko. June 24,2021 nikhat lawng bak ah covid zawtnak in minung 31 an nunnak a liam. June 24,2021 lawng ah mizaw thar minung 34 hmuh chap an si i minung 10 nih damnak an hmuh ve.

June 23,2021 ni ah Kalaymyo ah covid ruang ah a thimi minung 7 an si. Covid a si ko lai tiah lunghrinh mi minung 2 an thi chap hoi. June 23,2021 ni mizaw thar minung 33 an hmuh hna. Minung 66 chek mi chung ah 33 possitive an si. June 22,2021 ah covid ruang ah minung 2 Kalaymyo ah an thi. Minung 47 chek mi chung mi chung ah minung 24 possitve an si.

June 4 in June 24 tiang ah Kalaymyo ah covid zawtnak in nunnak a liammi dihlak hi minung 104 an si cang. Covid a si ko lai tiah lunghrinh mi a thimi minung 28 an si cang. Kalaymyo ah covid zawtnak a karh tuk cang caah hin minung tampi ralring tein kan um a hau cang. Kalaymyo cu Chinmi tampi kan umnak covid in nunnak liammi kan tamtuk cang.

A tulio covid in nunnak a liammi hna kan zoh hna tikah kum no tete kum 40 tluk hrawng zong an um hna. Kum upa cangmi tar lawng an si lo. Mino tete zong covid nih a kan thah ngai cang. Ralkap uknak tha lo kan duh lo i kan doh bantuk in a kan thah tu covid rai zong hi biatak tein kan doh a hau cang. Kalaymyo ah covid chek rih lomi tamtuk an um. Nikhat ah tlawmpal te lawng an chek khawh hna.

Buaktlak in minung 100 an chek mi hna chung ah minung 50 cu covid hrik hmuh lengmang an si. A fiang mi cu Kalaymyo ahhin covid zawtnak hi a khat in a khat cang ti kha kan fian a hau. Cu ruang ahcun mah chungkhar cio in kan i ralrin a hau cang. A herh tuk lo ahcun leng chuah lo ding le kanmah kan thiam tawk le kan si khawh tawk chung hrimhrim in kan i ralrin thiam a herh cang.

Chin ramkulh Falam, Tonzang, Tedim lei zong covid zawtnak a karh tuk cang. Minung tampi an thi cang hna. Hakha le Thantlang zong covid zawtnak a karh cuahmah cang. Kan ram buai lio ralkap tha lo uknak chan a si tikah cozah lei nih tha tein zohkhennak le tawlrel pinak a um lai lo. Cu ruang ah mah khua, mah tlang le mah peng cio in tulio covid rai hin kan i kilven le zohkhenh cio a hau ko hna lai.

Be the first to comment

Leave a Reply

Your email address will not be published.


*