HNA NGAM DEUH SI, SIHNI NIH THIL SINING A PHUAN DIH CANG

Ralhrang Kawlralkap pawl an rak i hrocernak lawngte pei arak si ko hi, Sihni Kyi Myint nih fiang tein thil sining a langhter. Sihni Kyi Myint nih a timi cu mipi nih ttih hna seh timi an duh ruangah thah ding order an chuahnak hi a si. An i hrocernak sawhsawh khi asi ko. An that taktak hna lai lo. Than Shwe chan zongah minung tampi thah dingin an rak ti hna nain ahohmanh an that hna lo tiah a chim.

Kawlralkap ralhrang hna nih Yangon ramtthen Okkalapa ah a ummi mino 19 hna cu thih dingin biachahnak an tuah hna. Okkalapa mino 19 thi dingin order an chuahnak a ruang bik cu March ni 29 zanlei ah mino pawl nih ralhrang kawlralkap bawi le ralhrang kawlralkap pakhat an rak velh hna i, ralhrang Thant Sin Htwe a nunnak arak liam. Curuang ah thah dingin order an chuah kha asi.

Myanmar police surround protesters and raid compound in Yangon | Myanmar |  The Guardian

Sihmanhsehlaw ralhrang kawlralkap hna nih thah ding order an chuahmi minung 19 chungah minung pahnih Aung Aung Htet le Bo Bo Thu lawng an tleih khawh hna. Adang cu an tlai kho hna lo. Hi thawngpang an thanh hnu ah ralhrang kawlralkap hna nih Hlaing Tharyar sang mino pasarih zong thah dingin order an chuah tthan i, thanhnak an tuah tthan rih.

An mah hi aliamcia march ni 15 ah nu pakhat a nunnak an lak ruangah thi ding in order an chuah nak hi a si tiah an chim. Sihmanhsehlaw minung pathum cu an tlai kho hna lo i, minung pali lawng an tleih khawh hna. Ralhrang kawlralkap hna nih thi dingin order an chuah nain anmah lila nih lam aa chok mi sawhsaw zong an thah thluahmah tthiamtthiam ve hna.

Myanmar police fire stun grenades at protesters - International -  observerbd.com

Hi konghe pehtlaiin Sini Kyi Myint nih a chimmi cu ralhrang kawlralkap nih hibantukin thil an tuahnak hi mipi nih kan ttih hna seh timi an duh ruangah an i hrocernak sawhsawh khi asi. An that taktak hna lai lo. Than Shwe chan lio zongah minung tampi thih dan an rak pek ko hna. Asinain hohmanh an that hna lo. An i timh bik mi cu mipi nih kan ttih hna sehlaw kan hmai ah kun hna seh ti an duh caah asi tiah a chim.

Ralhrang kawlralkap hna nih thih dan an pekmi hna hi zeitik ni le caan ah dah an thah hna lai timi pakhat hmanh thanhnak an tuah rih lo. Thih dan pekmi pawl nih ralhrang kawlralkap lutlai Min Aung Hlaing le Yangon Region Command Commander sin ah ngeihthiam halnak an tuah i, an ngeih thiam hna a si ahcun an case an tthumh piak hna lai ti asi.

Be the first to comment

Leave a Reply

Your email address will not be published.


*