HMUN KAUPI ZONG KUM 30 CAAH KAWLNU AN HLENH CANG,

ThanTlang khua kan fanu ruak vui kong theih cu lung afak ko. Miphun a dawtu hna khoika dah nan um ne in ti hna ning law, asi loah hei cawl cang sual uhlaw tu lio ah cun Nawl nan ngei ve rih tung lo ii nawlngei tu nih dantat le Biaceih le Thong thlak tiang nan tong hoi hnga.Kan chin ram ah thil a cang mi tete zoh tik ah Miphun lungfim a cu hrim ko cang hih.

Thantlang Sizung lam thlang lei vawlei hmun kaupi zong kum 30 ca in kawl nu an hlenh cang, midang dang kawl zong nih an hlan chap te lai.Pupa ram cheu khat le Cozah nih zung kansak lai an ti ah Cunglei nawlngeih nak in an let ter mi an um lio ah cheukhat inn le lo tiang hrawh piak an si hoi.Kum 70 chung cozah planning in lam cawhpiak ding lam thluan cheukhat zong kum nga cung ah let piak in lam dang ah cawh le pemh asi hoi.

Cozah rian sawknak kong ah le anih cu Vuanci minung asi,anih cu Nyapyidaw lei iin an van khenh mi asi,a nih cu MP a nih minung asi le pek lo awk an tha lo ti asi hoi.Mipi Me thla cu le vote ngei tu covo a thlam ngai cang ko hih.2020 thim nak cu mipi vote thla tu nih nawl ngeih khawh ve nak ding ah Nawlngei tu thim tiloin riantuan tu thim cang ding an si. Credit: Johnf Thawng

Relchih:US President Donald Trump cu sizung in a chuak cang. A chuahpah ahhin mask ai vuah i, mipi hna cu akutpi um thump up atuah hna. Asinain thawnglatu pawl biahalnak cu pakhat hmanh lehnak atuah hna lo. Trump cu White House ah thatein zohkhanh le thlopbul a si lai tiah amah a zohkhanhtu sibawi pa nih a chim. Trump cu thatein siphung ning bangin a chuak ko i, thatein zohkhanh asi lai tiah achimchih.

Donald Trump nih sizung in a chuah hnu ah cabia attial mi cu ka tthatuk cang, zawtnak coivid hi rak ttihin nan thintur hlah seh, nan nunnak kha tihphannak in i teiter hlah uh. Trump Admin hna nih a khamnak sii biapi kan buaipi cuahmah lio asi ko. Kum 20 nak in ka ttha deuh tuk tiah a chim. Cun Campaign zong kan thok tthan ko lai fake news hna nih ahman lomi poll pin an langhter lai lo tiah a chim.

Soiseltu hna nih Trump cu sizung in a chuah tuantuk palia i, zawtnak zong akarhter lai. Zawtnak atihnung lonak kong a chimmi nih hin midang pawl ralrinlonak atuah hna khi asi. Amah bantukin mipi hna hi zohkhanhnak ttha an ngei lo, Trump biachim hi i zumhsual afawituk tiah an langhter. Pathian nih kan thlacamnak aa kan leh i, thlacamnak thawngin a dam tuanhnak hi asi ko tiah amah a dirkamhtu hna nih an ti ve.

Atu bantukin President Donald Trump sizung a vun chuah bak in Stock Exchange 10 cu a vun zuang colh ko tah Politico nih a langhter. Trump cu a ralaimi ni 15 ah Biden he debate tuah ding an si i, hi zongah kal ai tim ko nain sibawi te biachahnak nawl asi te lai tiah an chim. Hi konghe pehtlaiin biden zong nih a timi cu debate hi kan ngei ko lai.Sihmanhsehlaw thiamsang hna le sibawi te hna nih a him ko tiah an timi cungah asi lai tiah a chimpin ah Trump sizung in a chuahnak zong a lawmhpi i, ralring tein um ko law tiah bia zong a cah chih.Hi konghe pehtlaiin White House Press Secy Keilaygh McEnancy le Chah Gilmartin cun Karoline Leavitt hna cu zawtnak an ngei tiah CNN nih a langhter.

Be the first to comment

Leave a Reply

Your email address will not be published.


*