HI BANTUK IN KAWLRALKAP HI PHOMH LAWLAW AN HAU CANG

IS ralhrang bu tluk in a sualmi ralkap le police nih minung an kahning hna le an tukvelhning hna cu khuaruahhar a si.Hi tluk luammam in ralkap hruh le sual hi amak kho tuk. Bia le hmurka nih a chim thiam lo. Thin a hung tuk. Celh ding bak a si lo. An miphun hawi zong an si, minung hawi zong an si, hriam zong a tlai lomi hmuhchih le hmaitonh bak in an luh tiang hna i an kah komi hna hi thin a hung kho tuk.

Myanmar military denies coup, promises to hand back power | Reuters

A thi cangmi tiang in an chuih an lamh chih rih hna. Hi tluh in hruh le ngat hna hi cu amak ka ti tuk. Mipi zong hi a caan ahcun thin zong an hung pah thulh. An doh hna lawlaw ahcun ningcang deuh zong in doh ve lawlaw hna ding a si. Chai le lung tbk in a lang in an chaih hna i an cheh hna. Ralhrang hrut nih cun meithal doh tluk in an ruahpiak fawn tung hna i, a poi ko.

Myanmar military denies coup, promises to hand back power | Taiwan News |  2021/02/16

Bawh hna i phomh hna, thah hna, zam diam than, hmun dang in bawh than hna, thah than hna tbk in sneaky attack in phomh lawlaw hna ding a si. Hihi dirhmun ah an phan cang. Hmun tampi ahun ralhrang hrut nih cun lengchuak an hmuhmi poah an kah ko hna, an tukvelh ko cang hna. Mipi himnak a um hlei ti lo.

YouTube removes channels run by Myanmar military | TheHill

Mipi nih dohning an thiam lo cun ralhrang nih an cil dih sual hna lai phan a um ko.Hriam tlai bu zong nih bom he hriamnam he ramchung ah lut hna seh law bom puah hnawh hna seh kap chih pah hna seh law a hmual a thawm cem lai tiah ka zumh.Cu lo cun ralkap hrut pawl hi minung hawi kah le thah pei an i nuam tuk cang khi! Credit: Luther Tin Hre

쿠데타 미얀마 군정, 잇단 유혈 진압…어제 최소 3명 사망 | SBS 뉴스

Thawngpang Dang: Kawlralkap nih tharum in uknak an lak dih hnu ni 45 a rau hnu March 17 cu Myanmar ram ah chuah le phawt zamh asi mi Private Newspaper pawl cu chuah khawh asi ti lo. Private Newspaper vialte lak ah San Daw Chain Daily Newspaper lawng hi Kawl ralkap nih uknak an lak thok in March 17 tiang pehzulh tein an chuah zungzal nain March 17 thok in Newspaper chuah kan ngol cang lai tiah thawngthanhnak an tuah cang.

San Daw Chain Newspaper in minlang lo pakhat nih “Martial Law nawl an chuah ruang ah zaan caan ca nam le timhtuah ding a relrem ti lo, thawng la tu pawl zong thawng an lak tik ah harsatnak le humhimnak lei ṭih a nung ruang ah atu bantuk in kan ngol mi asi” tiah a chim. Atu bantuk in Private Newspapers pawl chuak lo in ngol mi hi mipi caah thawngpang theih kho lo asi leng ah sungh zatlaknak taktak asi. Cun thawngpang an theih mi thawng in ralkap uknak duhlonak langhter ding ah mipi an i funtom chin ruang zong ah asi.

Hi bang thil i SAC nih thawngla tu pawl a zenh tluahmah hna” tiah kha hlan Media Council chungtel a rak si mi U Myint Kyaw nih ati. News pawl an ṭial nak thawng in mipi pawl an tha a tho, duhlonak langhter mi zong tha pek nak a tam chin, news pawl thawng in pakhat le khat kar ah pehtonh kho a fawi cubantuk ruang ah Media pawl hi an zenh, Internet zong hi mah ruang ah an phih mi asi lai tiah ka zumh” tiah U Myint Kyaw nih chun a chim chap.

Newspaper pawl chuak kho ti lo in an ngol mi hi thawng theihnak lei khua ci mui asi. SAC nih ningcang lo le phung buar in tuah ser nak pawl vialte mipi zapi nih theih kho lo ding in tiah tuah mi asi” tiin U Sithu Aung Myint nih cun a chim. “1988 bantuk in ramchung thil sining vialte khumzual dih in duhlonak langhter tu mipi pawl siseh a dangdang cawlcangh nak pawl cu hremnak le harsatnak phun kip pek in tuah an timh mi asi.

Media pawl an um ah cun an duh ning in ruru hrang hrang thil pawl an tuah ngam lai lo, media pawl an um lo lawng ah an tuah duh mi duh poh in an tuah kho lai” tiah a chim chap. Kawl Ralkap nih uknak an lak ni thok in nihin tiang ah thawngla tu 39 tlaih an tong cang. Zeimawzat cu an thlah ṭhan hna nain a cheu cu ram daihnak rawk ding in nan tuah tiin Penal Code Section 505 A in tlaih an tong. Myanmar ram ah zapi nih theih mi newspaper pawl hi San Daw Chain, 7 Day Daily News, The Voice, Eleven le Myanmar Times hi an si.

Ramchung hrambunh News Channel asi mi Mizzima, DVB, 7 Days, Myanmar Now le Khit Thit Media pawl zong thawng zamhnak nawl phih an si tiah SAC nih March 8 ah khan thawngthanhnak a tuah. Nawl phih mi pawl nih lamdang kawl in News phungdang nan chuah lai lo tiah an ti hna. Sihmanhsehlaw cu News Channel pawl cu Online Media phun in an rian cu an pehzulh rih ko. Myanmar ram ah President U Thein Sein cozah chan 2013 kum ah Private Newspaper pawl chuah hi rak thok asi kha hlan ah cun 1962 Revolutionary Council chan hnu a hmasa bik zalon tein Private Newspaper pawl rak chuah mi zong asi.Ref: RFA (CCNC)

Be the first to comment

Leave a Reply

Your email address will not be published.


*