Hakha, Thantlang,Falam Le Tedim Siizung Ah Ralkap Nih Sibawi Rian An Tuan Cang Lai.

Chin ramkulh sizung ah ralkap sibawi kan chiah hna lai. Chin state ralkap cozah nih Chin ramkulh
ah ralkap sibawi kan chiah hna lai tiah an chim. Chin state caah hin covid – 19 khamnak sii ting khat tluk a phan ding a si. Sibawi a thiam sangmi hna CDM ah an lut dih caah sii lei a thiam sang mi Kawl ralkap sibawi nih tuanvo an lak lai tiah Chin state ralkap cozah nih an chim.

Chin state chung sizung pi cu ralkap nih an luh hnawh dih. Hakha sizung, Falam, Mindat, Tedim sizung ah ralkap nih hmunhma an lak dih cang. Sibawi le nurse pawl vialte zong CDM a tuah mi hna cu an thawl dih cang hna. Cu ruang ah sibawi thiam sang an um ti lo. Chin state sizung ah ralkap sibawi pawl nih tuanvo an lak cang lai tinak a si.

RELCHAP  : Hakha Sizung Mizaw Hna Dirhmun Le Thantlang Le Paletwa Sizung Dirhmun : Hakha sizung luhnak kutkapi mino nih cincik tawh in an hrenh. A chung ah ralkap an um ti lo.Hakha sizung in ralkap pawl an chuak i Rungtlang lei ah an kir dih tthan. Zaan ah an rat tthan lai le rat tthan lai lo theih a si lo.

Sizung Mizaw Vialte zong an Chuahter Dih Hna.Hakha sizung ah a ummi mizaw vialte zong ralkap nih an chuahter dih hna. Mizaw hi 20 in 30 karlak hrawng an um. Nau ngei kaa nu pahnih lawng sizung ah an taang. Annih hi pawkhuai in nau a ngeimi an si caah sizung in ttumpi awk an ttha rih lo.

Chin ramkulh chung khuapi pasarih sizung ah ralkap nih hmunkhuar an timh. Thantlang le Paletwa sizung belte ah ralkap an luh lai le luh lai lo theih a si lo. Yangon ah University Siangngakchia Paul Lian Uk Bawi Tlaih a Tong.Nihin Insein, Ywama lamzawhnak ah palik nih an tthenhmal hna ruang ah biakinn chung ah aa thupmi Paul Lian Uk Bawi (Paul Lian) cu palik nih a hawile panga he an tlaih hna, tiah thawng kan theih. Paul Lian hi Matupi khuami a si i, Dagon University ah Law kum 3nk a cawng liomi a si. Dagon University Christian Fellowship (DUCF) cawlcanghnak zong ah an i bochan ngaimi mino pakhat a si.

Source: The Chin Journal pages

Be the first to comment

Leave a Reply

Your email address will not be published.


*