GOOD NEWS TAKTAK A CHUAK HOI, RALHRANG RALKAP AN SUNG TTHAN

Ralhrang kawlralkap Min Aung Hlaing nau le dirhmun chiatnak kong thawngpang an thanh tthan cang. Min Aung Hlaing ralhrang kawlralkap umnak hmun cu tlangcung hriamtlai a simi KIA nih an lak tthan. Tutan ah KIA nih ralhrang kawlralkap pawl umhmun khuarnak sakhan an lak mi hi Myitkyina pawng ah a ummi a si.

Hi konghe pehtlaiin thawngzamhnak nih thanhnak an tuah mi cu Myitkyina pawng ah a ummi ralhrang kawlralkap hna umnak hmun an sakhan cu KIA nih an lak tiah an langhter. Thil sining cu tuni April ni 17 zingka ah Myitkyina pawng ah a ummi Myitkyina he meng 13 hrawnghrang aa hlatnak hmun Washawng timi khua pawng ah caan zeimawzat chung kahdohnak a chuak.

May be an image of one or more people, people standing and mountain

Tlangcung hriamtlai KIA nih tuzing suimilam panga hrawnghrang ralhrang kawlralkap sakhan cu biatak tein suimilam pahnih chung an tthuat hna hnu ah atu bantuk in ralhrang kawlralkap hna sakhan an lak khawh hi a si. Tuni ah an lak khawhmi sakhan hi abia ngai ve mi asi i, Washawng, Chiphwe le Kanpeihtti lamtonnak hmun ah a ummi a si.

May be an image of outdoors and text

Hi konghe pehtlaiin khuami minung pakhat nih a chimmi cu KIA nih ralhrang kawlralkap sakhan an lak hnu ah kawlralkap ralhrang hna Helicopter cu Myitkyina khuachung ah an zuang hna i, Washawng lei ah ralhrang kawlralkap hna cu thaazaang an chap hna tiah a chim tiin thawngzamhnak nih an langhter. Tulio ralhrang kawlralkap le KIA an i kahnak ah KIA nih ralkap sakhan tam ngai an lak cang.

May be an image of one or more people, military uniform and outdoors

Relchih:Dr. Sasa: Mi leirawitu na si tiah thi dingah dantatnak pek ka si i, tleih ka si ahcun thah ka si ko lai. Zeipaoh siseh law kan mipi hna caah nuntthap lo cu thimding dang kan ngei lo. Democracy kan herh i zalonnak kan herh, Zalonnak le diknak le Democracy kan ngeih hlan lo cu kan i din lai lo. Asung kan khang lai lo, kan ngol fawn lai lo. Kan dih lak (NUG) in kan ram mipi caah kan nun kan thaap tiah BBC nih biaruahnak an ngeih lio ah a chim.

Hi konghe pehtlaiin Dr. Sasa nih National Unity Government (NUG) dirh a sinak kong fiang tein a chim. Atimi cu National Unity Government hi mipi nih dirhmi le mipi caah dirhmi a si i, ramchung tlangcung hriamtlai hna siseh, Political pary si hna seh, thimtlin mi parliament member hna le civil society bu vialte hna huap in ram mipi hna nunnak caah dirh mi a si i, Ttuantinnak, a fekmi pehtlaihnak le pum khat sinak he thatein dirhmi National Unity Government of Myanmar asi. Kan president cu Kachin hruaitu ttha a si i, kan prime minister cu Karen State in a si.

National Unity cozah ah minung 60% hna hi tlangcung hruaitu bochanmi lawngte an si hna i, hi nih hin kan hmailei lam aa kan sialpiak khawh tiah a chim rih. Kan hmailei caan hi ralkap nawl lawngin khuakhan lairelnak tel loin hman kan duh. Kan hmailei caan cu Federal Democratic Union a si i, ttuanttinak lawngin mah Federal Democratic Union of Myanmar cu kan phan kho lai. Cu ruangah tuchun ah hin mipi hna nih an duh ning le mipi hna nih an ca hrang le ram caah rianttuan dingin vote an thlak mi 2020 thimtlinmi bangin a tthawngmi cozah kan dirh tiah a chim chih.

Rianttuan ning cang zong thatein kan ngei dih cang. Pakhatnak cu a lamkip in ralkap bia lawngin khuakhan lairelnak vialte hi hloh dih asi. Pahnihnak cu ralkap lutlai hna nih an tuahmi 2008 phunghrampi hrawh or let a si. Pathumnak cu Federal Democratic Union of Myanmar dirh a si. Palinak cu mipi cozah dirh asi. Cubantuk cun Kawlram zalonnak le Democratic Union of Myanmar caah road map fiang tein kan tuah cang. Ram zalonnak le Democracy ram vialte hna nih mah National Unity Government of Myanmar hi an cohlan a hau.

Lam damdang a um lo. Mah National Unity Government lawng hi Myanmar ramchung ah diknak le zalonnak a chuahter tu dingah lam a um chun mi a si. Atu ah hin ralkap hruaitu hna cu ralhrang an si cang hna i, minung 740 renglo an nunnak an lak cang hna. Democracy le zalonnak thimnak result an thuhnawh sawhmawh mi asi lo i, Kawlram mipi hna an nawn cuahmah hna.Nifatin ram mipi 54 million hna cu thinphang in an tuah cuahmah hna. Khuapi siseh khuate ah siseh an lut an chuak i, minung an thah hna. Ramkip community hna nih cozah thar hi aa kan cohlan lo in aa kan zohsawh sawh peng ko rih a si ahcun hrial khawh lomi tukdohnak a chuak lai i, minung cihmihnak in a dih lai tiah a chim chap. Note: Mah biahi BBC he biaruahnak an ngeihmi ah a chimmi asi.

Be the first to comment

Leave a Reply

Your email address will not be published.


*