GOOD NEWS: RALHRANG KAWLRALKAP MINUNG 14 AN THAH HNA

Kaya Hriamtlai le SAC Ralhrang Kahdohnak ah Ralhrang 14 an Thi. Kaya ramkulh, Lwaikaw peng ah nizaan July 12 ah Kaya hraimtlai (Karenni Army) le SAC ralhrang karlak kahdohnak a chuak i ralhrang 14 an thi, tiah khuami nih an chim. Lwaikaw peng chung i Karenni Army nih an humhakmi hmunram ah SAC ralhrang bu pawl an rak luh caah Karenni Army he kahdohnak a chuah hi a si. July 12, ni khat chung lawng ah kahdohnak voi 5 a chuak i SAC ralhrang lei in a thimi le hliam a pumi an tam caah an kir tthan, tiah Kaya ramkulh thawngzamhnak pawl nih an langhter. Credit:The Chin Journal

Thawngpang dang: Kawlram mipi dihlak caah raltha taktak in ralkap a dohtu, UN palai a simi U Kyaw Moe Htun kong ah Ralkap Council an celh ti lo. US Cozah sin ah cakuat an tial tiah an mah Ralkap lila nih thawngthanhnak an tuah. U Kyaw Moe Htun cu Rampi hruaitu a simi Ralkap Council dohdalh in a cawlcang, Ralkap a rawitu a si, cu caah a sualnak bantuk in biaceih le Dantatnak pek ding in US Cozah sin ah cakuat kan tial tiah Ralkap Council nih thawngthanh nak an tuah nak ahcun an langhter.

U Kyaw Moe Htun cu UN ah Kawlram aiawh in Parmanant Palai a sinak kan cohlang lo. Ralkap Council nih phungning tein kan thlah mi a si ti lo. Cun Ralkap Council hruainak taang ah a sualnak biaceih ding a si cang. Cu caah US Cozah nih nan ram ah a um lio mi U Kyaw Moe Htun cu kan kut ah rak phak ter uh” tiah Ralkap Council nih US Cozah, Ramleng pehtlaihnak sin ah theihternak an tuah hi asi.

U Kyaw Moe Htun cu Kawlram aiawh in UN ah Parmanant Representative in a um mi asi. A si nain ralkap nih rampi uknak an lak hnu in, mipi lei ah a dir i UN mipi hmai ah Kawl ralkap that lonak, cohhlan awk an that lonak fak ngai in a chim. Cun nihin tiang zong ah ralkap Council a tlak khawhnak ding ah heh tiah a cawlcang mi asi.UN zong nih nihin tiang ah Kawlram aiawh palai ah an cohlan mi asi.