GOOD NEWS: RALHRANG KAWLRALKAP CAAH TTIHNUNG SI CANG

UN Security Council ah US le EU nih Myanmar Kong Fak Ngaiin an Chim. April 9 zaan ah tuahmi Myanmar ram kong UNSC meeting ah US le EU nih Myanmar ralkap cung ah fak piin action lak ding in bia an chim.Myanmar rammi hna cung ah tuksum sualnak a tuahtu Myanmar ralkap hi UNSC nih hmual ngei taktak in action a lak awk a si cang.

Myanmar ralkap sin ah vawleicung ram hna nih ralhriam zuarh lo ding le Myanmar ralkap tangka hmuhnak rianttuannak vialte UNSC nih phihkhan ding in a tawlrel a hau cang, tiah US nih a chim.EU nih, Atu Myanmar ram ah a cangmi hi anmah ramchung kong lawng a si ti lo. Innpa ram zong a hnorsuan cang pin ah vawleicung daihnak le humhimnak tiang in a hnorsuan cang.

Myanmar ram kong ah UN General Assembly pi auh i awaan khat in biachahnak tuah kho ding in EU le kan hawile ram pawl kan i zuam cuahmah, tiah a chim. US Ambassador Linda Thomas-Greenfield nih, Myanmar ralkap nih an tuahmi fihnung tteihfiak sualnak hi anmah lila hrimhrim nih an temtuar ve a herh.Cucaah, Myanmar ram daihnak le a kiangkap ram pawl daihnak ca ah cun hmual a ngeimi action kan lak hrim a hau, tiah a chim.

EU prepares measures against Myanmar coup leaders | Hindustan Times

Thawngpang Dang:Yangon Mino 19 Ralkap nih Thihdan an Pek Hna. Yangon ramtthen, North Okkalapa peng i mino 19 cu sualphawtnak pohma no. 396/397 in April 8 ah ralkap biaceih zung nih thihdan a pek hna, tiah April 9 zaan ah MWD nih a chim. Ralkal TV MWD nih, March 27, zaanlei sml. 3:00 hrawng ah motorcycle in runvennak a tuahmi Bokyi Htet Aung Kyaw le Mg. Thanh Sin Htwe cu North Okkalapa minung 19 nih an tlaih hna i, an meithal an chuh hna.

Cun hri in an hren hna Mg. Thanh Sin Htwe a thi,” tiah a langhter. Thihdan an pekmi minung 19 chung ah minung 2 lawng an tlaih khawh hna. A dang minung 17 hi an tlai kho hna lo, tiah MWD nih a chim.Pago mino 4 zong ralkap nih thihdan an pek hna, tiah theih a si. Credit: The Chin Journal

Be the first to comment

Leave a Reply

Your email address will not be published.


*