GOOD NEWS: MINUTE 30 CHUNGAH RALHRANG TAMTUK AN THAH HNA

Good News: Minute 30 chung lawngah KIA nih ralhrang kawlralkap minung 15 renglo an kahthah hna. Zahanzan ah ralhrang kawlralkap hna cu Kachin ram Puta Oo peng Tanjia khuapawng ah KIA nih an kah hna i, kap hnih in an i kahchung hi minung 30 hrawng lawng a si. Tutan ah an i kahnak a ruang bik cu KIA nih an duhlonak hmun ah ralhrang pawl hi umhmun khuar an timh caah a si.

I kahnak konghe pehtlaiin Puta Oo khuami pakhat nih a chimmi cu Tanjia khuapawng ah ralhrang kawlralkap KIA karlak ah kahdohnak a chuak timi thawngpang cu biadik a si. Ralhrang kawlralkap lei hi umhmun khuar an timh caah KIA nih an kah hna. I kahnak ah kawlralkap lei in miruak an zawnh lio ka hmuhmi hna hi ruak 15 renglo an si tiah a chim.

Minute 30 hrawng an i kap i, thawngpang a dai tiah a chim. Hi kahnak konghe thiamthiam in Lungshayan khuami pakhat nih a chim vemi cu kan khua hmanh in meithal puah thawng hi kan theih. Asinain hriamnam ngan khuachung ahcun a tla lo. Kan khua in meithal thawng kan theih hi minute 15 hrawng a si i, hi thawngpang kahnak theih ruangah Jania khuami cu kan khua ah an rak zam tiah a chim.

Tutan an i kahnak hmun ah hin voi nga ralhrang le kawlralkap hna hi an i kap cang. Hi hmun hrawnghrang Lungshayan auhsuh chungah KIA nih ralhrang kawlralkap hna cu umhmun nan khuar lai lo tiah an ti hna. Asinain ralhrang kawlralkap lei nih umhmun khuar an i timh lengmang caah i kahnak hi a chuak tiah an langhter chih.

KIA Le Kawl Ralkap Kar Kah Dohnak A Linsa Chin - ZINGHMUH NEWS

Thawngpang dang: US ralkap minung 13 an nunnak a liam, August ni 26 zan ah nunthaap bomb voihnih an puah ruangah minung 70 renglo an nunnak a liam. Anunnak liammi chungah minung 60 renglo hi Afghanistan an si i, US ralkap minung 13 an thi tiah fehternak an tuah cang. Hi bomh puahnak konghe pehtlaiin IS ralhrang hna nih bomb a puahtu hi kanmah kan si tiah an thanh ve.

Nunthaap bomb an puahnak hi minung an tamnak hmun Kabul Airport ah voikhat a puak i, ahnu ah Baron Hotel pawngah an puah tthan. Hi nunthaap bomb puahnak ruangah hliamhma a tuarmi hi minung 140 renglo an si i, hliam a tuarmi chungah minung 18 renglo hi US ralkap an si. Hliam a tuarmi hi an tamtuk caah a nunnak aliam mi zong an um kho tthan tiah an chim.

Be the first to comment

Leave a Reply

Your email address will not be published.


*