GOOD NEWS: MIN AUNG HLAING RALKAP 50 RENGLO DKBA AH AN LUT

Good News: Min Aung Hlaing ralkap ramri hngak BGF minung 50 DKBA ah an lut. Hi konghe pehtlaiin DKBA hruaitu lutlai a simi Saw Kyaw Thet nih a chimmi cu, May ni 31 in kahdohnak kan thok i June nihnih tiang zong a dai rih lo. Kan dohnak kan tuahnak a ruang cu kanmah nawlpeknak tello in ralhrang kawlralkap kan ramchung ah an rak luh ruang ah a si.

Ralhrang kawlralkap hna nih hriamnam nganngan in aa kan doh. Kanmah zong nih kan ngeihmi hriamnam in kan doh peng ko hna lai. Kanmah lawng kan si lo. PDF le BGF arak lutmi siseh KNU PC le KNDO pawl hna zong kanmah lei ah an ttang. Ralhrang kawlralkap kuttang ah rian attuanmi ramri hngak BGF lak zongah ralhrang sin rianttuan ahuam lomi kan sin ah aphanmi hi minung 50 renglo an um cang.

Kan sin ah a rak zaammi BGF hna cu hriamnam keng lawngte an si, kahdohnak kan tuah hlan ni hra ah an rak phan cang. Atu ah buu 5 komh in ralhrang kawlralkap kan doh. kan i hmuitinhmi aa khat dihmi kan si caah buainak pakhat hmanh kan ngei lo. Kan lung aa rualtuk. Karen ramkulh hmunkip ah cawlcanghnak kan tuah i karen ramkulh chungah cun um lonak kan ngei lo.

Ralhrang kawlralkap nih nawlngeihnak an lakmi an chuahtaak hlan chung paoh cu kan doh peng ko hna lai. Mipi sin ah nawlngeihnak an pek hnu lawngah kahdohnak cu kan ngol lai. Cu hlan chung cu ralhrang kawlralkap kan doh peng ko hna lai. Nawlngeihnak an lak ruangah atu dirhmun cu cozah ngeilo kan si. Ralhrang kawlralkap nih vanlong an hman zongah a poilo.

Ahlan zongah an hman lengmang mi a si ko. Curuangah raldohnak adong hlei lo i, raldohnak alinsa deuhdeuh ko lai. Atu ah ralhrang kawlralkap nih Karen ramkulh chungah thilpipa tuah an timh, mipi nih an duh lo bantukin kanmah hriamtlai zong nih kan duh ve lo. Curuangah an i timhtuahmi pehzulh an timh ko asi ahcun kan kham hna lai i, tukdohnak fakpiin a chuak lai tiah a chim.

Kayin State BGF officers and others collectively resign | Eleven Media  Group Co., Ltd

Thawngpang dang: Kachin ram Puta-o pengkulh chungah Ralhrangbu nih an thazaang chap nak dingah ralkap pensen pawl an auh than hna tiah theih a si.Hi kong he pehtlaihin “a bikin USDP lamhruainak in ralhrangbu he fonh in an tuah mi a si. Puta-o pengkulh chung cu an auh cang hna tiah ka theih, Sumpara Bum lei tu cu ka thei lo.

Atu mino pawl KIA ah cawnnak a kai mi hna an um tikah anmah pawl doh dingin an ti” tiah Puta-o khuami pakhat nih a chim. Puta-o ah a ummi ralkap pensen hawi pakhat nihcun ralkap hlun pawl an auh than cang hna. Nan rat lo ahcun lethmat zong kan in chuh dih hna lai an ti ve hna, Ex-military service network tiin bu an nei ve, mah hna cu Puta-o battalion 45 ah an auh hna i meithal kan chuah piak hna lai an ti.

Ka ruah ning ahcun ralram ah kalter ding cu an si rua lo. Mah lawng a si lo, Ralkap hlun fale le an chungle zong meithal tlaih an cawnpiak hna tiah a chim. Ralhrangbu nih ralkap hlun pawl lawng si lo in USDP le Pituhsit pawl fonh in khuachung lawng si lo raalzam hmun tiang chungkharkhat pakhat pituhsit nan kai lai an ti hna tiah theih a si. Credit: TCP

Be the first to comment

Leave a Reply

Your email address will not be published.


*