FAKTUK IN PEI DR SASA CU MINUNG PAHNIH AN VUN TTHUAT KO CANG HI

Tulio ah a laar taktak mi pakhat cu Dr Sasa hi asi. Dr Sasa hi minung tampi Chinmi nih cun kan uar dih ko hna lai tiah zumh a um. Asinain tutan a vun cawlcanghnak thok cun minung tampi nih an lungput an langhter cio hna. Tthenkhat nih cun Dr sasa nih hin ramkhel kong pakhat hmanh a theihmi a um lo tiah an ti. Cun tthenkhat nih cun a chimmi zong auar mi um ve asi.

Dr Sasa konghe pehtlaiin Thawng Zam Thang nih hitihin a chim, Dr. Sa Sa hi Chin Ram caah a tuahmi a tam tuk ko nain mifim a si lo. Pathian nih thluachuah tu a hmu mi si. Laimi nih kan i fiang khawh lomi cu, Fim le Pathian thluachuak hi a si. Pathian nih thlua a chuak tik hna ah an mah fimnak le thiamnak ah an ruah tawn. Nawl pek ka si ah cun, Live thlah in ka rak chim te lai tiah attial.

Culawng siloin Dr Sasa kong tthiamtthiam he pehtlaiin Laimi nih kan i bochan taktak mi le thil a thei taktak mi Dr Andrew Ngun Cun Lian nih cabia tawite apin ngaimi in a vun langhter ve. Dr Andrew Ngun Cung Lian nih a timi cu Kawlram ramkhel kongah David Lah thong a tlak kate ah a chuak mi pate a si i, a nu hnuk a din pah butein, NLD ti lawng a chim thiam rih mi hngakchiapa te asi. Ngaithiam ko uh, Ka rawl atam, ka ti ahal, ka ek a chuak ti achim duh paoh ah NLD, NLD tiah a au thiamka te asi tiah a chim ve.

Dr Sasa hi cu hlan ahcun Laimi or Chinmi nih a chiatnak siseh atuahsernak cungah thangchiat le dohkalh a tong ballo mi asi. Sihmanhsehlaw tutan ah ramkhel lei konghe pehtlaiin bia a vun chim hnu cun a dohkalh mi zong an vun um ngaingai cang. Dr Sasa hi ramkhel lei ahcun zeihmanh theih mi angei lo tiah minung tampi an ti i, tthenkhat nih cun a chimmi an zumh ngai fawn.

Be the first to comment

Leave a Reply

Your email address will not be published.


*