DR LIAN HMUNG SAKHONG COMMENT A TUAHMI CU A TLAMTLING BAK HIH

Salai Van Lian Thang nih Dr Lian Hmung Sakhong interview an tuahmi konghe pehtlaiin Comment atuah mi asi. Hihi cu ka hun comment than ta duak lai. Ti hin chim ding asi. Kan i lawm. UPDJC (Political Dialogue) ah Political Parties pawl, a bikin tlangcung miphun party pawl an dirhmun hi a biapi ve maw? timi hi mizapi i el pahmi asi tawn. Khat lei kan ral he kan i nam lio caanah Political Parties pawl a hlambikmi cu keimah hi ka si tiah piang lakin UPDCJ Vice Chairman le CNF Vice Chairman nih a chimmi nih bia a daihter deuh cang men ko lai. Cucu a biapimi “point” a hun si.

Political Parties hi mipi aiawhtu an si, Political Dialogue ah an itel hrimhrim a hau tiah NCA negotiation lioah hriamtlaibu (EAOs) nih an rak nornak kong zong achim. Hi nih Kawlram Peace Process ah “electoral politics or electoral mandate” hi tlangcung miphun caah a biapi ngaingai ve dakaw timi kha a langhter. Cucu zong a biapimi point a hun si. 2015 thimnak lioah U.S.A lei he Talkshow pakhat ah upa zeimawzat he biaruahnak khi kan rak ngei. Zoom um rih lo i Skype in kai tel ve.

Kawlram thlen timi cu USDP tei khi asi lo. 2008 Phunghram thlen khawh khi asi. Cucu aho cozah NLD le USDP an kai zongah an thlen khawhmi asi lo. Cucaah atu thimnak ah hodah cozah aser lai (regime change) timi tiang lawng zoh nakin cozah thar a kai hnu pinlei (post-election) ramkhel tiluan ah zeitindah ethnic problems hi kan solve khawh lai i ramkhel biaruahnak in political solution a chuah khawh lai timi zohin thimfung kan thlaak hi a biapi deuh.

Zeicatiah political dialogue tikah Tlangcung miphun political party pawl zong ramkhel cabuai ah an ṭhu ve hna lai. Cu hna cu ṭhawnter le cahter a herh ko tiah ka rak chim. (voice record a um rih ko lai, Lai Forum le FB zongah thlah cangmi asi). Panelist asi vemi kanpa pakhat nih ti hin aka leh, Political Party pawl, cozah pawl, hluattaw pawl hi cu (Political Dialogue ahcun) meh ṭamhnak ah kan hmanmi spices bantukah ka chiah hna. Cu tluk cun role an ngei lai lo tiah a ka leh. Ramkhel cabuai ah Political Parties pawl meh ṭamhnak masala le achu-hmungh bantuk sawhah ruahnak hi naite tiang mitampi ruahnak asi ko rih in a lang.

Cucu a palh deuhmi asi ti kha tutan ah a chungah aa telmi hna nih an hun chim tikah a hun tliang ngai. 2015 thimnak lioah political dialogue ah an biapi ngai ve dakaw, cucaah tlangcungmi political party hi thapek an hau dakaw ti kha voi tam non kan rak ṭial. Zeibantuk cozah a kai lai timi nakin kan ram thlennak tawhfung asimi political dialogue ah zeitindah mah electoral process hi tlangcungmi caah ṭhathnem santlai ah kan canter khawh deuh lai, timi te khi ka interests mi cu asi tawn.

Nain, mi tampi an rak interests mi cu core political issue kha a rak si lem hna lo. Cucaah i thlaak zong khi lung a tho tawn lo. 2015 thimnak lioah kan dirpi sek hna nain an ngah lo ruangah UPDJC cabuai in an doi hna ti hna kan theih tikah kan lung a rak ṭha lo ngai. Tutan ah UPDJC Vice Chairman nih kan ngaih a rak chia tuk a timi te nih bia tampi khi a hun chim…tiah ka ruah. Mipi ṭhohkhannak an hmu lo, arti an khuai lo tiah UPDJC cabuai ah telve an onh lomi hna zong kha adikmi cu asi lem lo.

Zeicatiah electoral system kha Kawlram ahcun FPTP system kan hman caah asi ko. Democracy ram tampi hmanmi PR system hmang sihlaw MP an ngah ve len ko hna lai, mipi ṭhohkhan mee tampi an hmuh ve ko, meehmun tampi ahcun mee tlawmtete lawng hnain an ithlau. Denmark, Norway, Sweden, Germany bantuk PR system sisehlaw tlangcung miphun party nih MP an ngah len ko hna lai.

PR system zong cu Thein Sein cozah chanah hman dingin khua an khan pah nain NLD nih an rak duhlo ngai i anmah chimmi poah cu a ṭha ko lai tiah tlangcungmi tampi nih an rak zulh hna caah asi pah ko rua. NCA hnatlaknak 22 (a) ningah Kawlram ramkhel biaruahnak Political Dialogue ahcun Political Parties pawl tello khawh lo dirhmun kha a hun si. Framework for Political Dialogue (FPD) ning ahcun anmah tel loin UPDJC auh khawh asi ti lo.

UPDJC ah EAOs nih upa 16 an thlah cun, upa 16 an thlah ve, 21UPC ah EAOs leiin 150 an kai cun an nih zong 150 an kai ve. Cucaah tlangcung miphun political parties pawl hi ramkhel cabuai ah ral atu vemi an si, an role hi a hme lo dakaw tiah langhter kan izuam tawn. Buchoh Aung San chanah 1947 Supreme Council of United Hill Peoples minin (Panglong conference) le U Nu chanah 1962 States Unity Organization (Tawngyi conference) minin Political Dialogue le Federal Movement ah biapi ngaiin a rak dirpimi zong cu tlangcung miphun political parties leaders thotho kha an rak si.

Tuni political dialogue hi ngaingai ahcun mah kan pupa hna nih an lim lomi an rian hmaban a pehzulhtu kha kan hung si. Cu caah Tlangcung miphun Political Parties hruaitu chungin ramkhel biaruahnak ah aa telmi hna: Dr Tuja (Kachin), Pu Ngaisak (Chin), U Sai Kyaw Ngunt (Shan), U Hla Saw (Arakan) tbk pawl hi zeitindah ramkhel biaruahnak ah an dirhmun biapitlo le hmual ngeihlo cun a um lai? EAOs upa cheukhat bangin tlangcung miphun interests a dirpi khomi le a chimrel khomi an si ve ko hna lo maw?

Hi bantuk a chimrel kho dingmi hi Political Dialouge ah an itel khawh lo ahcun kan sungh asi ko lo maw? Tlangcungmi nih an dirhmun kan ṭhawnter awk deuh hi asi hnga lo maw? ti kha kan chim tawnmi cu asi. Nain, cu bantuk core issue cu mi tampi nih an ruah mi phun asi lem tawn lo. Political dialouge hi kan tawhfung asi timi a biapitnak lei a ruatmi khi kan tlawm tawn. Thil poimi cu mitampi cu political dialoge hi cu hriamtlaibuu he lawng aa sengmi ah kan ruah, electoral politics or electoral democracy he kan pehtlaihter tuk lem lo.

Electoral process in a chuakmi electoral mandate or dejure mandate nih zeidah tlangcungmi caah thil ti khawhnak le hmual-ṭhawnnak a ngeih timi a thazaang kha kan zoh lem hna lo. Cozah government le ruling party silo ahcun zeihmanh thazaang a ngei ti lomi le tuah khawh ding a um ti lomi ah khin kan ruat tawn. 2008 Phunghram cu legal means in thlen khawhmi kha asi lo, political means lawng in thlen khawhmi kha asi.

Political means timi cu Political Dialogue kha asi. Kawlram thlennak ah kan tawhfung kha a hun si. Cucu NCA process zongin a chuak kho, 2008 constitution review committee bantuk chung zongin a cang kho, 1962 Federal Seminar bantuk phun zongin a cang kho, Parliament inn hnulei Smoke-Filled Room zongin a cang kho, National Defense and Security Council (Kaalung) cabuai zongin a cang kho, Thurah Shwe Mann le U Thein Sein chan hruaitu bikbik paruk tonnak (six-way talks among top political leaders) bantuk zongin a chuak khomi kha asi.

Tulio ahcun NCA process in a lam aa hun ong. Nain, mah hi cu lampi pakhat khi asi. Mah lampi hin chuaklak va ral lei kan hei phak lo sual zongah federal movement ngol loin kan tuah chung poahpoah cu, a dang lampi zongin Political Dialouge cu a chuak thotho te ko lai, ti kha zumh a haumi asi tawn. Biapibikmi cu any political dialogue ah tlangcung miphun timhcia kan si a hau i kan thazaang a ṭhawn a hau timi kha a biapimi cu asi tawn.

Ramkhel thazaang kan timi cu popular supports kha asi. Cucu electoral process ah mipi nih verdict tuah dingmi kha asi tawn. 2015 thimnak lio hrawng ahcun tlangcung Political Parties hruaitu zeimawzat cu Political Dialogue ah an role kha anmah lila nih a hmete in an ihmu. Kan role hi zeitluk a ngan ve timi kha anmah lila nih an hngal set lo. EAOs upa an bia a dirkamhtu le a bawmtu sawh ahkhin an rak iruah ko hna, key stakeholder le main actor role a ngei vemi ah an iruat hna lo.

2015 thimnak hnu UPDJC cabuai in an hnawn hna i, 2017 by-election hrawng lawngin biatak nawnin a aupi awk khi an hun hngal. Tutan 2020 thimnak cu asi lem ti lai lo. Mizapi zong lung a fim deuh ko cang in a lang. Naiah SNLD hruaitu San Ngunt Lwin interview ka ngai, kan nih Political Parties pawl cu EAOs le cozah nih an ceihchah ciami kumzabu 21 Panglong conference ah lusuk piak dingah khin kan ra ko lo maw, hmailei ahcun mah bantuk hi cu kan let khan kho ti lai lo tiah a chim.

Political Parties hruaitu upa zeimaw zong nih cuticun an ilawmh deuh lonak kha an chim. Political Parties hruaitu pawl Political Dialogue cabuai in sirlei ah hnawn maw an si hnga tiah lung kha a awtawm pah. Cun EAOs upa cheukhat sinin hriamtlaibuu lawng nih thlennak hi kan tuah khawh tiah tulio Electoral Process bantuk undermine a tuahmi le Political Parties pawl an biapit tuk lem lonak lei hoihin a chimmi hna kan hmuh pah theo.

Duk tiah ka lungchuakmi cu: United Nationalities Federal Council (UNFC) nih Negotiation Team ka ngei ko, Kawl cozah sinah ramkhel biaruahnak hi keimah lawng nih ka va chimrel lai tiah Working Group for Ethnic Coordination (WGEC) a rak chuahtakmi kha asi. Cangvat seh vs Seh lo timi phun hi a ne a thi kho deuh loin a lang tawn. The pen is mightier than the sword an ti. Tlangcung miphun Political Parties pawl hi Kawlram Federal movement ah zeidah an role a rak si bal i an biapi ve maw?

Tuanbia ah nehnaang le kutneh zeidah an rak ngeihmi a um? (The role of Non-Burman Political Parties in the Struggle for Federalism in Burma)” timi kha ka lungah pakhat hnu pakhat in achuak luaimai. Nai zardongh kha si kaw tawi tein ka ṭial tuah lai ka ti cu ka hun ot hnik i, ka lan thluahmah i, kaa theih lo karah cahmai 17 a phan. A tamtuk ka ti i thlah zong ka thlah ti lo. Cauk maw journal phun tu-ah maw a herh ahcun chuak te ko seh tiah ka fim. Credit: Salai Van Lian Thang

Be the first to comment

Leave a Reply

Your email address will not be published.


*