DALAN NUPA NIH AN TUH BANGIN AN ZUN TAKTAK CANG

Ralhrang kawlralkap lei attang mi pawl cu an nunnak aliam thluahmah. Nuva hna zong tutan ah kah an tong cang.Tenhse ah ralhrang Kawl ralkap lei thawngpang a pe mi nuva hna cu meithal in kah an tong. Hi konghe pehtlaiin thanhnak an tuahmi cu Tuzing suimilam 8 le minute 15 hrawng ah Sagaing region Tenhse khua Maha Myaing sang ah a um mi mipi leirawitu dalan nupa hna cu an kah hna.

No description available.

Mi leirawitu dalan nupa hna an kahmi hna hi U Thein Shwe le a nupi Ma Chaw Su an si. An kah hna ah leirawitu an pa cu a nunnak aliam colh tiah an langhter. U Thein Shwe hi a hlan ah thing pawl hmawngkhu in a zuar tawn mi le ralkap lei thawngpang pe tawn tu dalan zualhma bak a si tiah khuami hna nih an chim. U Thein Shwe cu Ye Oo sii inn ah a thi I an nu cu sii a thlop lio a si tiah theih asi. Ralhrang sin ah a dirmi cu nikhat hnu nikhat in an caah ttihnung ngaingai an si cang.

No description available.

Thawngpang Dang: Moe Pyae ralhrang kawlralkap sakhan tukdohnak ah ralhrang kawlralkap lei in minung 14 nak tlawmlo an nunnak aliam pin ah minung pali an tleih rih hna. Tuni May thla 23 chun suimilam 12 le cheu hrawng ah Mipi lei PDF le minlangh ter lo mi tlang cung hriamtlai phu (EAO) hna I fonh in Shan ram Moe Pyae ralkap sakhan cu hriamnam tling in an an kah doh hna.

Hi sakhan kahdohnak ruangah ralhrang kawlralkap lei in minung 14 renglo an thih pin ah minung 4 cu PDF nih an tlaih hna tiah Karen lei hriamtlai (PKPF) nih thawng an thanh. PKPF cu Karen ram ah ralhrang kawlralkap duhlo nak langhter nak ah mipi a rak hruaitu hna phu an si tiah theih a si. NLD uknak chan zongah Kaya ram ah Aung San milem phun ding timi kong zong ah a rak doh mi mino pawl an I tal nak phu a si fawn.

Cun atu hi Kaya ram De-moh-so peng ah a um mi Sanpiah (6) le Luai Kaw security gate ah ralhrang kawlralkap le mipi lei PDF karlak ah kah dohnak a um len I khua chung ah vanlawng an I hel len ko tiah khuami hna sin in theih asi. Ralhrang Kawl Ralkap nih uknak an lak mi an duh lo ruangah mino tampi cu tlangcung hriamtlai hna sin ah raltuk ning an cawn hna hnu ah mah le umnak khuaram cio ah PDF cu dirh in ralkap an doh len cio hna tiah Mizzima nih alanghter.

Be the first to comment

Leave a Reply

Your email address will not be published.


*