DAI TEIN AUNG SAN SUU KYI A UM KHO TILO A HOLH VE CANG

Ralhrang kawlralkap nih ziknawh eihmuar case pali an chapmi konghe pehtlaiin Aung San Suu Kyi a holh ve cang. Aung San Suu Kyi nih a sihni sin ah a chimmi cu hithil an kapuh mi hi a hmanlo bak mi a si tiah a chim. Aung San Suu kyi cu ralhrang kawlrlakap nih eihmuar nak case pali an chap. Asinain zeibantuk pawl dah asi timi tucu fiangin cathanh an chuah rih lo.

Ralhrang kawlralkap hna nih Aung San Suu Kyi nih hin ningcang loin Yangon CM Phyo Min Thein sin in dollar tingruk le suitlang cuai 7 alak tiah sual an puh. Hi bantuk in CM Phyo Min Thein sin ka lakmi a um ballo tiah Suu Kyi nih a mah sihni sin ah a chim. Aung San Suu Kyi nih amah sihni Kyi Win sin ah a chimmi cu a tanglei bantuk in a si.

CM Phyo Min Thein siin dollar le suitlang ka hmu lo hrimhrim tiah Aung San Suu Kyi nih a chim. Mah bantuk thil aa ka peknak a ruang hrimhrim a um lo. Rak ka pe hmanh sehlaw ka cohlang lai lo tiah a peh rih. Thil a cangmi cu a duh lo taktak i, thil a cang khomi a si lo tiah a ti rih. Ahnu bik ah an timi hi an phuahchom mi a si tiah a chim tiin a sihni nih zapi sin ah a chim.

Aung San Suu Kyi hi Sihni paruk angei i, a case zong a sihni pawl nih biatak tein an buaipi cuahmah lio a si. Atulio cu ramchung zawtnak a karhtuk ruangah Aung San Suu Kyi case zong an i din chung tiah theih a si. Zeitik ah dah an peh tthan te lai timi theih a si rih lo.

Aung San Suu Kyi: the fallen hero of Myanmar?” – by Emily Wan – LSE SU Asia  Careers Society

Cabia dang: Buu le Biakinn Tello Zumhnak:Biakinn ah kan i pumh khawh ti lonak a kum in a si cang; mibu hme tete hmanh in kan i pum ngam ti lo. Caan sau kal rih dawh a si fawn. Hi lio caan ah Baibal chung i Abraham, Isak, le Jakob nih Pathian an rak biakning kha thukpi in mah le pumpak, innchungkhar cio in, chungkhar biakttheng ser in Pathian kan biak a herh ko lai.

Mit in hmuh le tongh khawhmi biakinn hi kan biakmi a si lo cu zapi nih kan hngalh. Moses chan khan Pathian nih puan-thlam biakinn phun in amah an biak i rai an thawi khawhnak ding kha hmuhsak a si; David thinlung ah biakinn thiang sak piak a duh, asinain Solomon chan tu ah saduhthah a tling; Jerusalem Biakinn kha miphun zumhnak ah an hun i funtomnak cu a si taktak ko. A ttha hnem maw ti ahcun a ttha hnem tuk ti khawh a si.

Asinain buu (denominations) le biakinn tel lo in Israel miphun kha Izipt ram ah kum 430 fai an um; Babilon sal an taan kha kum 70 a rau i pumhnak inn timi synagogue ah Pathian an biak; Daniel nih Jerusalem hoih in nikhat ah voi thum lengmang thla a cam; profet Malakhi chan in kan Bawipa Jesuh a rat tiang ah kum 400 leng a rau i cu chung vialte profet biaphuan a um ti lo, muihnak caan a si an ti;

Asinian Baibal hrilhfiah phun a hun chuak kho ngai i an zumhnak hriam a ttha lehlam. Kannih atu lio har kan tonnak ahhin chungkhar pa bik le nu bik cu tlangbawi nan si ve kha philh lo in khrihfa zumhnak kha mah le inn cio te ah cawmchuah (nurture) a herh ko. CACC ah siseh, IBC ah siseh inn chungkhar pumh nan hruainak ah bawmtu hrilhfiah cauk phunphun le thlarau lei thazaang peknak cauk cawk awk kan ngei, IBC nih cauk zeimawzat cu a tthenh zong kan in tthenh khawh hna.

LBC, Yangon zong ah Nifatin Thlarau Rawl timi (Our Daily Bread) cauk pawl cah khawh a si ko lai. Google zong ah cauk rel awk ttha tampi a um ko. Kan zumhnak kha khat le khat hawikomhnak sung kan ngeih khawhnak biakinn ah ngei kho ti hmanh hna hlah u sih, thachia lo in chungkhar biakttheng sernak in kan zumhnak a tthan kan cawm cio hna lai. Aizawl ah Baptist nih an chuahmi cauk “Chungkhar Maicam” timi cawk khawh a si fawn, ni 366 ca in ttialmi cauk a si i chungkhar pumhnak kuttlaih caah a ttha hnem ngaingai. Kan thiamning cio le a lamkip in kan zumhnak cu veng cio ko hna usih. Credit: Rev. Dr. Lalpeklian

Be the first to comment

Leave a Reply

Your email address will not be published.


*