D DAY AN THANH HNU AH TLANGCUNG HRIAMTLAI BIACHIM MI

NUG nih D-Day a thanh mi kong ah tlangcung hriamtlai hna hmurka. NUG nih September 7 zinglei sang i Myanmar ramhuap D-Day a thanh mi kong ah tlangcung hriamtlai phu hna an dirhmun kong VOA nih biaruahnak a tuahmi hna a tawinak in kan vun leh. Colonel Naw Bu (KIO): Kan nih KIO Central Committee nih cun NUG nih D-Day a thanh mi kong ah ruah ning, cuanh ning le biakhiahnak pawl kan tuah rih lo.

Central Committee lei nawl peknak a um rih lo ca ah zeihmanh kan tuah rih lonak hi a si,” tiah a chim. Major Ta Aik Kyaw (TNLA): Cunglei nawl peknak a tlak rih lo ca ah kanmah lei zong zeihmanh timhlamhnak le biakhiahnak tuah mi kan ngei rih lo,”. Cun, NUG nih a thanh mi kong ah, Meeting i auh ding le i caihkhan ding ngeih ding le ngeih lo ding kong ah TNLA telh in AA, MNDAA hriamtlai phu phir 3 hna zong biakhiahnak an ngei rih lo.

MNDAA nih cun, Cathanh le biakhiahnak an tuah rih lo nain mizapi lei ah dir an i timhnak kong an phuan. NCA kahdohnak ngolnak minsen a thu mi tlangcung hriamtlai phu 10 hna remdaihnak lei ah hruaitu PPST zong nih Online in meeting an thu nain NUG thanh mi kong ah caihkhan mi an ngeih lonak kong an chim. NUG cathanh kong ah PPST lei nih tuchun September 8 hi biakhiahnak an tuah kho men.

Cun KIO hriamtlai phu lei in Colonel Naw Bu nih, “NUG nih a thanh cang tik ah zeitik caan poh ah kahdohnak a chuak khomi a si. Cu a si ca ah mizapi zong nih mah le umnak hmun ah tling tein kan him khawhnak hna i ralring taktak kan hau ko, tiah a chimchap. NCA minsen a thumi hriamtlai phu 10 remdaihnak hruaitu PPST nih, NUG he i fonh ding le fonh lo ding kong ah mah le hriamtlai phu in biakhiahnak tuah ding in nawl a serpiak hna,” ti hmuh a si. Credit: THP

May be an image of one or more people, people standing and outdoors

Cabia Dang: NUG Cozah Nih September 7 Ah Emergency Thanhnak A Tuahmi Cungah US Cozah Lungtling Lo Hih! Hriamnam Bohchan In Mipi A That Tu Ralhrang Cungah Hriamnam In Lehrulhnak Tuah Cu US Cozah Nih Kan Cohlang Kho Lo!Kawlram mipi nih nan ton cuahmahmi boruak ah hriamnam in lehrulhnak tuah dingin timhtuahmi cu US cozah nih kan cohlang kho lo tiah ram dang pehtlaihnak zung nih an chim. Rampi nawlngeihnak a latu ralhrang cu ram pumpi huap in kahdohnak tuah cang dingin September 7 ah National United Government (NUG) lak hruak President nih thanhnak a tuahmi kong he pehtlai in US cozah i duhning cu RFA Kawlram nih biahalnak a tuah i, ram dang pehtlaihnak zung i biachimnak nawlngeitu pakhat nih Email in lehnak a tuah.

Mipi dihlak nih lehrulhnak” tuah cang dingin NUG nih thanhnak a tuahmi cu kannih zong nih kan theih cang i, Kawlram nih a toncuahmahmi kongah hriamnam hmangin lehrulhnak tuah ding cu US cozah nih kan cohlang kho lo, dai tein cawlcanghnak tuah dingin forhfialnak cu RFA Kawlram Email ah lehnak a tuah hi a si.Kawlram chungah Covid zawtnak hi a zual tuk caah minung cio cio zawnruahnak bangrang tein leh humhim cio dingin leh dawnkhantu om lo tein bawmhnak phawt zamh khawh nakhnga thawngpang daih a herh tiah lehnak a tuah tiin theih a si.Rampi nawlngeihnak a latu ralhrang zong nih mipi thahnawnnak leh hremnak a tuahmi hi ngol cang dingin leh Kawlram ah democracy ningin a kal than khawh nakhnga leh hramhram in tlaihmi hna zong thlah than dingin US cozah nih pehzulh in kan nawl tiah ram dang pehtlaihnak zung i nawlngeitu nih a chim tiin RFA Burmese nih a tial.TFT

Be the first to comment

Leave a Reply

Your email address will not be published.


*