SiaHerh Nak He Zei Tluk In Dah KutTtawl Hi A BiaPit

Zeitluk in dah kuttawl a biapit? Kut i tawl cu mah le mah i ven lawng si lo midang kan ven hna zong a si. Kan mit nih a hmuh khawh lomi zawtnak rungrul pawl hi kan kut in tam deuh cu a ra tiah siibawi thiamsang hna nih an chim.

Thil pakhatkhat kan tonghthamnak in maw siloah mi zaw mi dam lo hna kan tongh sual hna tikah an zawtnak cu kan kut cungah a kai kho an ti. Mit nih a hmuh khawh lomi virus pawl zong hi kut in a ra i mi pakhat le pakhat zawtnak kan i chawnh tawnmi zong hi kut in a tam bik cu a si an ti.

Tutan Coronavirus zawtnak a chuah hnu lawngah mi tam deuh cu kut aa tawlmi kan tam.Kut kan i tawl tikah a tlawmbik 20 second tal i tawl ding a si. Cun ti sawh lawng hmanh si loin satpiat he tha tein i tawl a herh, kan kut zung kar pawl siseh, kan kut zapei a hnu a hmai he tha tein hmoih dih a hau. Cu hnu ah tha tein i hnawh than le ro ter zong a herh.

I tawl i a cin bupi um zong a tha lo.Cun a herh lo ah mit le hnar, kaa ti bantuk i tongh hi tih a nung tuk an ti. Ngakchia hrimhrim cu biatak in kilven an herh. Kut in zawtnak phunphun i chawnh khawh a si ti hi philh lo ding si. Laimi cu kut rawl ei a uarmi kan si fawn tikah mi zei kan si zong ah kut thiang te i tawl cu kan damnak le kan him nak a si caah kan rian ah i chiah cio u sih.

Crd, Sia herh nak he

Be the first to comment

Leave a Reply

Your email address will not be published.


*