Chim Phuan Caan A Cuu Cang Cu Ta

Chimphuan Caan Acu Cang Cuta RASU ( Rangoon Arts & Science University) ka kai chung 1981-1985 ( kum 5) ahhin ṭhaal sianginn khaar ( March-April) fatinte Rangoon Sianghleiruun HKA Siangngakchia Bu ( TT le HKA kan rak i fonh dih ) min in FLM, HKA le TT ahhin kan Bu Fund caah STAGE SHOW tuah in kan tlung tawn hna.

Kalay Myo lei in tlun a rak si zungzal ( HKA-GANGAW lam a rak pem rih lo).FLM ah kan tuah hmasa bik tawn, cun a dotdot in HKA, TT ah stage show kan rak tuah peng hna.FLM ah stage show kan tuah fatinte FLM ah khua a sami kanmah HKA, TT mino nih hin TICKET zuar hi ṭuanvo an rak kan laakpiak dih zungzal. Zung( office) vialte le FLM bazaar chung le chawdawr kip ah kan ticket cu an rak kan zuarpiak dih tawn.FLM ahhin TT nakin ticket man kan hmuhmi hi a rak tam deuh zungzal.

Atu tiang kaa cinkenmi ah FLM ah biatak tein ticket a kan zuarpiaktu chungkhaar pahnih hna cu pu.PEK THANG ( TT, VANZANG khua kek) Fanu, ngaknu pahnih CHINCHIN PEKTHANG le a naunu tleicia HAPPY PEKTHANG hna le Pu. CIA TO ( HKA kek) fanu pahnih, ngaknu ṬIAL TANG ( Tangtang) Pu.San Tin Mang nupi le a naunu IANG HLEI ( iangiang) khi an rak si peng. An inn veve zongah mi zeimawzat cu kan rak i ṭhum tawn hna.

NOTE: Chim duhmi cu nai hrawng i TT ah bia chokvai a leengmi, CHINCHIN PEKTHANG cu a ngakchiat te in FLM ah khuasa an si i, TT le HKA sinah dawtnak le siaherhnak le zawnruahnak a ngei lo..timi bia chokvai kha a dik lomi a si..ti hi a si ko.Kum 40 kuakap a rauh hnu 2020 ah cun a chuahkehnak taktak a simi TT peng in, a

Miphun party a simi CNLD ticket in MP aa cuh ve cang lai.Chinchin ,RASU chuak Ramchung, Ramleng le Ramcung, Ramtang he kan umnak hmun cio in le kan thiamnak le kan ti khawhnak cio in kan in DIRHKAMH ko.PPP. CANADA. PHOTO: FLM Stage Show kan kainak hmanthlaak ka sin ah a um lo. Pu Zing Cung of CNF ( kan Bass guitarist)sin le Rev. Rollin Van Bik( kan Lead guitarist) sinah a um kho men.Kei hi Rhythm guitar a rak tum pengtu ka si.1983 FLM Stage Show lio hmanthlak ka ngeih lo caah 1983 HKA Stage Show kan kai lio hmanthlak ka rak taar.Laknak Tawk Cung

 

Be the first to comment

Leave a Reply

Your email address will not be published.


*