BREAKING NEWS: PDF NIH TAMTUK RALHRANG AN KAH THAH HNA

Breaking News: Tuni ah ralhrang kawlralkap minung pakuk an kah thah hna. Tuzing ah ralhrang kawlralkap le Tamu PDF hna cu Tamu khualeng deuh BOC datsi zuarnak pawngah i kahnak a chuak. Hi i kahnak ah ralhrang kawlralkap hna cu minung pakul hrawng an nunnak a liam tiah khuami hna sin in theih asi. Hi konghe pehtlaiin nawlngeitu pakhat nih atanglei bangin a chim.

Tamu i information in-charge pakhat nih a chimmi cu tuzing suimilam paruk hrawngah tukdoh kahnak hi a chuak i, suimilam pariat hnu ah hnu kan soh. Ralhrang kawlralkap lei nih hriamnam ngan ngan an hman i, asinain an umnak hmun pawng tiang ti awk in kan kan kal hnawh khawh hna. Ralhrang kawlralkap lei hi an tam taktak. Tamu khuachung i a ummi an vun rat caah hnu kan soh tthan.

Technology High Scholl pawngah ralhrang kawlralkap lei a rak bawmhtu hna cu an motor pakhat bomb in kan thuat i, an motor pakhat cu aa let. Ralhrang kawlralkap lei minung hleisarih hrawng an nunnak a liam i, hliamhma a tuarmi tampi an um hna tiah sizung lei in thawngpang kan theih. Kanmah lei in minung pakhat a nunnak aliam i, hliamhma minung pakhat a tuar tiah a chim.

Hi konghe pehtlaiin thiamthiam in Tamu PDF lei he pehtlaihnak angeimi minung pakhat nih a chimmi cu PDF lei ah a thimi zong an um ve i, Ralhrang kawlralkap lei a thimi an tam ngaingai. A hramthok ah ralhrang kawlralkap hi minung pasarih pariat hrawng an thi i, a hnu ahcun ralhrang kawlralkap hi minung pakul cu sizung an kalpi hna i, cu chungah cun minung tlawmpal lawng an dam tiah kan theih tiin a langhter.

Tuni Tamu i kahnak ah hin Tamu PDF lei hi minung pakul, sawmthum hrawngte lawng an si hna. Asinain suimilam pathum chung an dirawnh khawh hna. Ralhrang kawlralkap lei an vun i chap tthantuk ruangah hnu an kirnak hi a si. Hnu an kirnak zong hi a nunnak aliammi le hliamhma atuarmi kan tam sual lai timi an phan caah asi tiah an langhter.

Atuhi Tamu khuachung ahcun ralhrang kawlralkap uknak an tuah or an thanh cang timi zong kan theih. Khuachung mi hna cu zingka suimilam pahra hnu ah chuak ti hlah an ti hna i, Nizan zongah PDF lei nih Tamu Nan-Pha-Long sianginn ah a ummi ralhrang kawlralkap hna cu bomb in an thuat hna i ralhrang kawlralkap minung pahnih an nunnak a liam tiah theih asi. Cu hnu ah an i kap tthan ti a si.

Be the first to comment

Leave a Reply

Your email address will not be published.


*