BREAKING NEWS: MEITHAL IN AN KAHTHAH, RALHRANG PAKHAT HLIAM APU RIH

Kawlralkap ralhrang hna nih khuabawi bawmtu ah an thimmi cu meithal i an kahthah. Yangon Hlaingtayar ah ralhrang kawlralkap hna nih khuabawi bawmtu dingah an thimmi Tin Maung Win cu meithal in an kahthah. Yangon Hlaingtayar ahmat 20 sang khuabawi bawmtu dingah ralhrang kawlralkap nih an thimmi Tin Maung Win cu tuzing suimilam pariat ah an kahthah.

Hi thihnak konghe pehtlaiin a rak rami ralhrang kawlralkap pakhat zong bomb puakmi ruangah hliamhma a tuar tiah thanhnak an tuah. Ralhrang kawlralkap hliam a tuarmi hi, thihnak a chuah ah dottletnak tuah dingin ralhrang kawlralkap pawl an rak ra hna. Cu ahcun bomb voihnih a puak i, atubantuk in hliam atuar hi a si tiah HTY Information nih alanghter.

May be an image of one or more people, people sitting, motorcycle and outdoors

Thawngpang dang:Tulio Raldohnak hmun ram ah a um mi ralkap pakhat nih a lungfahnak le tulio an dirhmun a hun langhter. “Hi ca ka tial ruang ah tlaih ka tong lai ti ka theih, thildik chim cu cheukhat caah tuar a har i ngaih a nuam lo, a si nain tlaih ding nan ka ti le a poi fawn lo, ka ka hmun hin kan hngah hna” tiah a langhter hmasa, A catial mi chung ah a tam deuh cu raldohnak hmun an umnak.

Cun an khualtlawn nak ah Rawl, riahcaw tha tein an pe kho ti hna lo timi hmuh khawh asi. Eidin Tirawl tha tein nan kan pek lawng ah pei Meithal kuangfang le Bomb zong cu kan tongh tham khawh lai cu, rawltam ti hal pah cun Bomb le Meithal kuan hmannak thazaang zong kan ngeih tung lo” tiah a langhter mi hmuh khawh asi. Cun Rawl, eidin le riahcaw kan i chanh ko hna lai, hmundang raldohnak a um ruang ah a si nan ti.

Motor nan rak thlah paoh ah eidin tirawl a um lo, Meithal kuan le Bomb lawngte nan rak phorh. Kan mah vial rawltam in nan kan chiah” tiah uico pawl, nan zaanglu timi biafak a hman mi zong hmuh khawh a si. Cun Ralkap lahkhawh a tlawmtuk nak, nupi le fa a ngei mi ca hrim ahcun chungkhar i zohkhenh le cawmnak hmanh a si lomi lahkhah ti bantuk zong a langhter fawn.

Cheukhat Sakhan ahcun Eidin ti rawl a um ti lo, eidin tirawl chim lo Cite liah ding hmanh a um ti lo. Ngandam lonak le a dangdang kong zohkhenhnak zong a um lo. Cu caah a thi lo ding mi kan ralkap hawi tampi an thih hi an paam tuk lo maw. Raldohnak ah a kal mi ralkap kan nunnak hi cu Min Aung Hliang le bawipawl caah cun zeihmanh a rak si lo” ti bantuk in a langhter fawn.

Be the first to comment

Leave a Reply

Your email address will not be published.


*