Breaking News : Kalay Ah Ralhrang Nih Minung 6 An Tlaih Tthan Hoi Hna.

Sagain ramthen Kalaymyo lamzawhnak ah a tel mi minung panga cu ralkap pawl nih an um nak inn ah an va tlaih hna tiah khua mi nih an chim. Sanmyo veng ah a ummi pakhat nih ” ni zaan ah sanmyo veng ah minung pali an tlaih hna,nihin ah pakhat an tlaih chap ” tiah a chim. Kalaymyo ah tlaihkhih nak a um ko nain ralkap uk duhlo nak langhternak cu pehzulh in an tuah peng rih.

Thantlang Peng Vanzang Tlang cu April 21 in April 25 tiang (ni 5 chung) Kawl Ralkap nih khualeng chuah an phih (curfew) tiah kan theih. Hi kong ah khua pakhat in khuami pakhat nih, “Ni 5 chung leng chuak hlah u, ti a si i a nicaan an chap te hnga dek maw. Thantlang lei kal aa thawh mi zong Sopum khua in an kirter hna. Thantlang lei zong in rak luh khawh a si rua lo. Zeiruang bik ah dah curfew a si tu cu kan hngal kho ve lo. Zahnak Tlang le Khualhring Tlang lei tu cu an kham rua lo,” tiah The Hakha Times ah a chim.

Vanzang Tlang ah khua 6 an um: Sopum, Vanzang, Farrawn, Lungding, Tlangpi le Tlanglo khua hna an si. Atu hi Sopum khua, Zahnak Tlang le Vanzang lei lampial ah Ralkap nih hmunhma an khuar i an um, tiah kan theih.

 

Be the first to comment

Leave a Reply

Your email address will not be published.


*